SQO-da 800-ge jýyq talapker keshendi testileýden ótti

PETROPAVL. QazAqparat - M.Qozybaev atyndaǵy Soltústik Qazaqstan Memlekettik ýnıversıtetiniń strategııalar jáne halyqaralyq árekettestik jónindegi prorektory Aıdos Muqataev UBT nátıjesi men keshendik testileý jaıly aıtty, dep habarlaıdy «QazAqparat» HAA tilshisi óńirlik kommýnıkatsııalar qyzmetine silteme jasap.

Ulttyq biryńǵaı testileýge 3 614 nemese 64% soltústikqazaqstandyq mektep bitirýshi túlekter qatysqan. Ustazdar UBT tapsyrýshylardyń 4% artqandyǵyn aıtty. 8 pýnkt jumys istedi.

Aıdos Muqataevtyń aıtýynsha, aýdıtorııalarda 65 baqylaý kameralary, 7 beınetirkeý, 48 uıaly telefon baılanysyn joıǵysh jáne eki metall izdegish ornatyldy. Oqýshylardy testileýden shyǵaryp jiberý jaǵdaıy bolmaǵan.

«Oblys boıynsha UBT-nyń ortasha baly 77-ni qurady, bul jalpy respýblıkalyq kórsetkishterden sál tómen. Jalpy respýblıkalyq kórsetkish - 80,5 ball. Eń joǵary 134 ball alǵan 1-inshi lıtseı túlegi Nursan Valeev boldy», - deıdi Aıdos Muqataev.

Oblys aýdandary men qalalary arasynda orta baldyq kórsetkish boıynsha birinshi orynda Petropavl tur - 82,3 ball, ekinshi Ǵ.Músirepov aýdany - 80,40, úshinshi - Ýálıhanov aýdany - 80,3 ball.

19-20 shilde kúnderi M.Qozybaev atyndaǵy SQMÝ bazasynda byltyrǵy jyldyń mektep bitirýshileri men kolledj túlekteriniń keshendi testileýi ótti. Oǵan 798 adam qatysty, ortasha ball 38,3-ti qurady. 1 tamyzdan bastap UBT-ny qaıta tapsyrýǵa ótinishterdi qabyldaý bastalady.