SQO-da 800-den astam adam probatsııa qyzmetiniń esebinde tur
SQO boıynsha qylmystyq-atqarý júıesi departamenti baspasóz qyzmetiniń málimetinshe, «Probatsııa» respýblıkalyq profılaktıkalyq is-sharasy 15-22 tamyz aralyǵynda ótip jatyr. Oǵan probatsııa qyzmetiniń qyzmetkerleri, ýchaskelik polıtsııa ınspektorlary qatysady. Maqsat – shartty túrde sottalǵan adamdar tarapynan jańa qylmystar men quqyq buzýshylyqtardyń jasalýyna jol bermeý, sondaı-aq retsıdıvtik qylmystardyń aldyn alý.
«Іs-shara barysynda tártip saqshylary barlyq sottalǵandarmen, olardyń kórshilerimen jáne týystarymen mindetti túrde jeke profılaktıkalyq áńgimeler ótkiziledi, jergilikti atqarýshy organdardan áleýmettik-quqyqtyq, zańgerlik jáne ózge de kómek alý múmkindigi túsindiriledi», - deıdi departament mamandary.
Qazirgi ýaqytta SQO-da aýdandyq probatsııa qyzmetiniń 17 bólimi men bólimsheleri jumys isteıdi, olardyń esebinde 806 sottalǵan tur. Sonyń ishinde 150 adam belgili bir laýazymdy atqarý nemese belgili bir qyzmetpen aınalysý quqyǵynan aıyrǵan, 15 adam qoǵamdyq, 2 adam túzeý jumystaryna tartylǵan. 567 adamnyń bas bostandyǵyn shektelse, 8-iniń úkiminiń oryndalýy keıinge qaldyrylǵan. Sondaı-aq 64 adam probatsııalyq baqylaýmen shartty túrde sottalǵandar.
Esepte turǵan adamdardyń basym bóligi - 316 adam Petropavldyń probatsııa qyzmeti bóliminiń baqylaýynda tur.
Ótken alty kún ishinde «Probatsııa» respýblıkalyq profılaktıkalyq is-sharasy aıasynda SQO-da barlyq 806 sottalǵan tekserilip, jazany óteý sharttary men tártipti buzýdiń 22 deregi anyqtaldy. Jazany óteý kezeńinde birqatar sottalǵan ózderin teris jaǵynan kórsetken. Osyǵan baılanysty qazir jazanyń ótelmegen bóligin bas bostandyǵynan aıyrýmen aýystyrý týraly sottarǵa 5 materıal jiberdi.
Buǵan deıin SQO-daǵy eń iri salyq tóleýshiler kimder ekenin jazǵan edik.