SQO-da 80 adam «oralman» mártebesin uzartty
SQO PD baspasóz qyzmetiniń habarlaýynsha, óńirde búginde yqtııarhaty bar 531 etnıkalyq qazaq turyp jatyr. Tártip saqshylarynyń mindeti olarǵa «oralman» mártebesin sozýǵa nemes alýǵa bolatyndyǵyn , keıin qujattaryn durystaǵannan keıin QR azamattyǵyn jeńildetilgen tártippen resimdeı alatyndyǵyn túsindirý.
«Tuńǵysh Prezıdent bıyl16-naýryzda «oralman» mártebesiniń merzimin ótkizip alǵan etnıkalyq qazaqtarǵa jeńildetilgen túrde QR azamattyǵyn berýdi tapsyrdy. Osyǵan oraı SQO Polıtsııa departamentiniń bastyǵy Marat Tólebaev mıgratsııalyq qyzmet mamandaryna keshendi is-sharalardy júzege asyrýdy tapsyrdy. Jalpy jyl basynan óńirde 80 sheteldik osy múmkindikti paıdalandy», - deıdi SQO PD Mıgratsııalyq qyzmet basqarmasynyń bastyǵy Talǵat Ábilev.
71 jastaǵy zeınetker 2017 jyly Qorǵan oblysynan Qyzyljarǵa qonys aýdaryp, turý yqtııarhatyn alǵan. Búginde onyń eki jyl buryn alǵan «oralman» kýáliginiń merzimi ótip ketipti. Múmkindikti paıdalanyp kýáliginiń merzimin uzartqan ol endi jeńildetilgen tártippen QR azamattyǵyn alý úshin qujattaryn tapsyrmaq.
«Mártebesiniń ýaqyty ótip ketken oralmandar ony uzartý úshin jergilikti atqarýshy organdarǵa barýlary kerek. Keıin jeńildetilgen túrde azamattyq alý úshin qujattaryn ishki ister organdaryna tapsyrýlary kerek», - deıdi Talǵat Ábilev.
SQO-da jyl basynan QR azamattyǵyn alýǵa 64 etnıkalyq qazaq qujattaryn tapsyrǵan. Sondaı aq óńirde turyp jatqan shet eldiń 80-nen astam azamaty bıyl QR azamattyǵyn aldy.