SQO-da 7 myńnan astam adam merekege oraı bir rettik áleýmettik kómek alady

PETROPAVL. QazAqparat – Soltústik Qazaqstan oblysynda 7 myńnan astam áıel halyqaralyq áıelder kúnine oraı birjolǵy áleýmettik kómek alady, dep habarlaıdy QazAqparat tilshisi.

SQO jumyspen qamtýdy úılestirý jáne áleýmettik baǵdarlamalar basqarmasynyń málimetinshe, merekege oraı áıelderdiń belgili bir sanatyna bir rettik áleýmettik kómek kórsetiledi.

«Altyn alqa», «Kúmis alqa» alqalarymen, I jáne II dárejeli «Ana dańqy» ordenderimen marapattalǵan nemese buryn «Batyr Ana» ataǵyn alǵan kóp balaly analarǵa 10 AEK - 29170 teńge beriledi. Al 4 jáne odan da kóp kámeletke tolmaǵan balalary bar otbasylarǵa 5 AEK – 14585 teńge birjolǵy áleýmettik kómek tólenbek.

Kómektiń osy túrimen óńirde 7 myńnan astam adam qamtylady. Osy maqsatqa 175,2 mln teńge jumsalmaq.