SQO-da 650 saılaý ýchaskesi jumys isteıdi
SQO saılaý komıssııasynyń málimetinshe, óńirde 15 aýmaqtyq komıssııa bar. Saılaý kúni 650 ýchaskelik komıssııa jumys istep, oǵan 3733 adam qatysady. Oblystyq saılaý komıssııasy 5 saıası partııanyń 50 partııalyq tizimin tirkedi. Oǵan 469 kandıdat engen.
«Nur Otan» partııasynan 15 tizim, «Aýyl» HDP – 9, Qazaqstannyń «Aq jol» demokratııalyq partııasynan – 5, «Adal» partııasynan – 5 jáne Qazaqstannyń halyqtyq partııasynan 6 tizim berildi. Oblystyq máslıhatqa 4 saıası partııadan 62 kandıdat, Petropavl qalalyq máslıhatyna 3 saıası partııadan 33 kandıdat jáne aýdandyq máslıhattarǵa 43 tizim – 374 kandıdat usynyldy», - deıdi SQO saılaý komıssııasynyń tóraǵasy Erbolat Bekshenov.
Aýmaqtyq saılaý komıssııalary saıası partııalardan 2351 senimdi tulǵany tirkedi. Jalpy osy aralyqta aýmaqtyq, ýchaskelik saılaý komıssııalary men basqa da saılaýdy uıymdastyrýshylarǵa 130-dan astam oqytý semınarlary ótken.
«Bıylǵy saılaýda epıdemıologııalyq jaǵdaıǵa baılanysty ózgerister bar. Saılaý komıssııasynyń músheleri jeke qorǵanysh zattarymen – maska, qolǵap, bir rettik halat jáne qorǵanysh ekrandarymen qamtylady. Sondaı-aq áleýmettik qashyqtyqtyń saqtalýyna, maskanyń bolýyna asa mán beriledi. Al saılaý ýchaskesine kele almaıtyndarǵa ótinishteri boıynsha úılerine jáshikti aparamyz. 26 jeltoqsannan ótinishter qabyldap jatyrmyz», - deıdi Erbolat Bekshenov.
SQO boıynsha barlyǵy 399 375 saılaýshy bar. Olardyń 165 myńǵa jýyǵy – Petropavl qalasynyń turǵyndary. Daýys berý oryndary tańǵy saǵat 7.00- den saǵat 20.00 deıin jumys isteıdi.