SQO-da 6 mln teńgeniń veıpin satyp júrgen jigit ustaldy

<p>PETROPAVL. KAZINFORM &ndash; Soltústik Qazaqstan oblysynyń polıtseıleri elektrondy temekini satýdy kásipke aınaldyrdy degen kúdikpen 19 jastaǵy jigitti ustady. Kinási dáleldense 5 jylǵa deıin bas bostandyǵynan aıyrylýy múmkin.</p>

SQO polıtsııa departamenti baspasóz qyzmetiniń málimetinshe, uıymdasqan qylmysqa qarsy kúres basqarmasynyń qyzmetkerleri maqsatty túrde júrgizilgen jedel-izdestirý is-sharalary barysynda petropavldyq jigitti ustady. Oǵan osy jyldyń maýsym aıynan bastap saýdasyna tyıym salynǵan veıpti satýmen aınalysty degen aıyp taǵyldy.

Tártip saqshylary odan jalpy somasy 6 mln teńgeden astam 545 veıp, suıyqtyq quıylǵan 334 ydys, quramynda nıkotıni bar 165 saǵyz tárkiledi.

Jas jigit eshqaıda oqymaıdy jáne jumys istemeıdi.

- Shegilmeıtin temeki ónimderiniń, elektrondyq tutyný júıeleriniń (veıpterdiń), hosh ıistendirgishter men olarǵa arnalǵan suıyqtyqtardyń aınalymy faktisi boıynsha sotqa deıingi tergeý bastaldy. QR Qylmystyq kodeksiniń 301-1-babynyń sanktsııasy boıynsha 200 AEK deıingi aıyppuldan bastap 5 jylǵa deıingi merzimge bas bostandyǵynan aıyrýǵa deıingi jaza kózdelgen, - deıdi SQO PD bastyǵynyń orynbasary Asqar Muhametqalıev.

Buǵan deıin SQO-da shyrshalardy brakonerlerden qorǵaý úshin 11 statsıonarlyq beket qurylǵandyǵyn jazǵan edik.