SQO-da 53 mektep qashyqtan bilim berip jatyr
Bul týraly SQO bilim basqarmasy basshysynyń mindetin atqarýshy Tatıana Protopopova Tótenshe jaǵdaılar departamentinde ótken brıfıngte aıtty. Qashyqtan bilim berip jatqan mektepterdiń 41-i – Petropavlda ornalasqan. Oblys ortalyǵyn sýmen qamtýǵa qatysty jaǵdaı túzelýine baılanysty kelesi aptada olardyń kópshiligi oflaınǵa kóshýi múmkin. Al sý basqan Bylǵary zaýyty, Oıqala jáne Zarechnyı kentindegi úsh bilim ordasynyń myńǵa jýyq oqýshysy qashyqtan oqýlaryn jalǵastyra beredi. Evakopýnktte turyp jatqan balalar qajetti tehnıkamen, oqýlyqtarmen qamtylǵan.
Buǵan deıin Qyzyljar aýdanynyń 19 mektebi onlaın formatqa kóshirilse, qazir olardyń beseýi shtattyq rejımde jumys istep, taǵy ekeýinde sabaq aralas júrgizilip jatyr.
«15 sáýirden bastap barlyq mektepterde 2-11 synyp oqýshylary arasynda bólim boıynsha jıyntyq baǵalaý jáne toqsandyq jıyntyq baǵalaý júrgizilip jatyr. Mınıstrliktiń tapsyrmasyna oraı mektepter ózdiginen onyń ýaqytyn ózgertip, keıinge shegere alady. Bilim basqarmasy sý basqan aýmaqta ornalasqan jeti mektepten baǵalaýdy alyp tastady. Olar: Qyzyljar aýdanyndaǵy Bolshaıa malyshka, Ozernyı, Sokolov, Dolmatovo jáne Petropavldaǵy № 12, 13, 14 mektepter. Sondaı-aq buǵan deıin Oqý-aǵartý mınıstrligi 15 sáýirden bastap oblystyń 60 mektebinde oqýshylardyń bilim deńgeıine monıtorıng jasaý úshin 4 jáne 9 synyp oqýshylaryn testileýdi josparlaǵan edi. Qazirgi qalyptasqan jaǵdaıǵa baılanysty sý basqan eldi mekenderde ornalasqan 8 mektep tizimnen alyndy, qalǵandarynda 13-17 mamyr aralyǵynda ótetin boldy», - deıdi Tatıana Protopopova.
Sondaı-aq qazirgi ýaqytta SQO-daǵy 24 kolledjdiń 7-ýi qashyqtan oqytyp jatyr.
Buǵan deıin Petropavlda kelesi aptada jylytý maýsymy aıaqtalatynyn aıtqan edik.