SQO-da 50-ge jýyq jasóspirim qyz júktilikpen esepke alynǵan

<p>&nbsp; Soltústik Qazaqstan oblysynda bıyl kámelet jasyna tolmaǵan 50 qyz júktilik boıynsha esepke alynsa, taǵy 32-si ana atandy, - dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

SQO-da ana atanǵan qyzdardyń eń jasy 14-te ǵana. Jaqynda nárestesin baýyryna basty.

Mamandardyń aıtýynsha, kámelet jasqa tolmaǵan qyzdar úshin júktilik te, ana ataný da óte aýyr júk, olar mundaı fızıologııalyq ózgeriske psıhologııalyq jaǵynan daıyn emes.

«Jas qyzdar arasyndaǵy júktilik tek bizdiń oblys úshin ǵana emes, el kóleminde óte ózekti másele. Byltyr da óńirde 14 jastaǵy qyz ana atandy. Aýdandardyń birinen kelgen. Qyzdarynyń júktiligi jaıynda ata-anasy da, mektep muǵalimderi de habarsyz bolǵan», - deıdi SQO boıynsha otbasyn josparlaý jáne reprodýktıvti densaýlyq jónindegi úılestirýshi Marına Tımofeeva.

Byltyr SQO-da kámelet jasyna tolmaǵan 95 qyz júktilik boıynsha esepke turǵan. Bıyl 49 qyz dáriger baqylaýyna alyndy. Olardyń arasynda jasandy túsik jasatý da azaımaı tur.

Mamannyń aıtýynsha, ótken jyly kámelet jasyna tolmaǵan 56 qyz ana atansa, 17 qyz jasandy túsik jasatqan. Bıyl 10 qyz balasyn aldyryp tastady. Munyń saldary aýyr bolmaq, sebebi jasandy túsik jasatqan qyzdardyń 25% endi eshqashan ana bola almaıdy. Ásirese, kámelet jasqa tolmaǵan qyzdar úshin bul óte qaýipti operatsııa.