SQO-da 5 shildeden bastap karantın shekteýleri kúsheıtiledi

PETROPAVL. QazAqparat – Soltústik Qazaqstan oblysy bas memlekettik sanıtarlyq dárigeriniń jańa qaýlysy shyqty. Óńirdiń «sary» aımaqqa ótýine baılanysty karantın shekteýleri kúsheıtiledi, - dep habarlaıdy QazAqparat tilshisi.

SQO bas memlekettik sanıtarııa dárigeri Áset Jumataevtyń jańa qaýlysy 5 shilde kúshine enedi.

Shekteýler mektepke deıingi mekemelerdi qamtıdy. Balabaqshalarda bala sanyn 25-ten asyrmaı kezekshi toptar jumys istemek.

Uıymdar men keńse qyzmetkerleriniń 50% qashyqtan jumys isteýge mindetti. Al qyzmetkerleri COVID-19-ǵa qarsy vaktsına alǵan mekemeler ádettegideı jumysyn jalǵastyrady. Sonymen birge, COVID-19-ǵa qarsy vaktsınatsııanyń tolyq kýrsyn alǵan jáne sońǵy 6 aıda COVID-19-dan aıyqqan barlyq qyzmetkerlerge tolyq jumys kúninde eńbek etýge ruqsat etiledi.

Dinı nysandar ujymdyq dinı is-sharalardy ashyq aspan astynda, maska rejımin saqtap, 4 metr áleýmettik ara qashyqtyqty eskere otyryp qana ótkize alady.

Meıramhana, dámhana jáne qoǵamdyq tamaqtaný oryndary saǵat 7.00-den 24.00-ge deıin, biraq tolymdyǵyn 50 %-dan jáne 50 orynnan asyrmaı jumys isteı alady. Osy tártippen jazǵy alańdar da jumys istemek. Al ashana tıpti qoǵamdyq tamaqtaný oryndaryna táýlik boıy jumys isteýge ruqsat bar.

Qoǵamdyq monshalar, saýnalar jeke kabınasyz jáne jeksenbiden basqa kúnderi jumysyn jalǵastyrady.

Al, bılıardtardyń, kompıýter klýbtarynyń, boýlıngterdiń, balalarǵa arnalǵan oıyn-saýyq ortalyqtarynyń, akvaparkterdiń, banket zaldarynyń, túngi jáne oıyn klýbtarynyń, karaokelerdiń jumysyna ýaqytsha tyıym salyndy. Sondaı-aq buqaralyq, eske alý sharalaryn ótkizýge ruqsat joq.

Buǵan deıin SQO-da koronavırýs juqtyrǵandar sanynyń artqanyn aıtqan edik.