SQO-da 5 myń mamanǵa áleýmettik kómek tólenbegen

<p>PETROPAVL. KAZINFORM -&nbsp; Prokýratýra organdary azamattardyń quqyqtary men múddelerin qorǵaý boıynsha júıeli negizde jumys júrgizip jatyr. Taldaý sheńberinde qyzmetkerlerdiń áleýmettik qoldaý sharalarymen qamtamasyz etilmegendikterinen, quqyqtarynyń óreskel buzylýy anyqtaldy. &nbsp;&nbsp;&nbsp;</p>

SQO prokýratýrasynyń málimetinshe, Qyzyljar, Ǵ.Músirepov, Mamlıýt, Shal aqyn, Taıynsha aýdandarynda «Agroónerkásiptik keshendi jáne aýyldyq aýmaqtardy damytýdy memlekettik retteý týraly» QR Zańynyń talaptaryna qaıshy, aýyldyq jerlerde turatyn densaýlyq saqtaý, bilim berý, mádenıet, sport salasyndaǵy 5 myń mamanǵa kommýnaldyq qyzmetter men otyn satyp alý úshin áleýmettik kómek tóleý kózdelmegen.

Prokýrorlyq qadaǵalaý aktisi boıynsha máslıhattardyń sheshimderinde joǵaryda atalǵan tólemder kózdelgen, qazirgi ýaqytta jergilikti atqarýshy organdar mamandar úshin 115,1 mln teńge somasyna bıýdjet qarajatyn bóldi. Búgingi tańda 2 AEK mólsherinde áleýmettik kómek tólenip jatyr.

Nátıjesinde, qabyldanǵan sharalarmen aýyldyq jerlerde turatyn qyzmetkerlerdiń quqyǵyn qorǵaýǵa qol jetkizildi.

Buǵan deıin Mańǵystaýda Quryq portynda salynyp jatqan astyq termınalynyń qurylysy aıaqtalyp, qondyrǵylar synaqtan ótkizilip jatqanyn jazǵan bolatynbyz.