SQO-da 5 mektep qashyqtan bilim berip jatyr

PETROPAVL. QazAqparat – Soltústik Qazaqstan oblysynda úshinshi toqsan bastalǵaly 189 oqýshy koronavırýs juqtyrǵan. Búginde óńirdiń 5 mektebi ýaqytsha qashyqtan bilim berý formatyna kóshti, dep habarlaıdy QazAqparat tilshisi.

SQO-da koronavırýsqa qatysty óńirdegi ahýalǵa arnalǵan kezekti brıfıng ótti. Oblystyń bas sanıtar dárigeri Áset Jumataevtyń aıtýynsha, óńirde jańa oqy jyly bastalǵaly 495 bala koronavırýs juqtyrǵan. Olardyń 258-i bilimdi mektepte alsa, qalǵandary qashyqtan oqý barysynda qaýipti vırýsty juqtyrǵan.

«Úshinshi toqsan bastalǵaly oblysta oqýshylar arasynda KVI juqtyrýdyń 189 jaǵdaıy tirkeldi. Olardyń 106-sy shtattyq rejımde oqyǵan. 83 bala qashyqtan bilim alý barysynda aýyrǵan», - deıdi Áset Jumataev.

SQO-da qazirgi ýaqytta koronavırýs juqtyrý jaǵdaılarynyń kóbeıýine baılanysty 5 mektep qashyqtan oqýǵa kóshirildi. Olar: Esil aýdany Zagradovka orta mektebi, Qyzyljar aýdanyndaǵy Sokolovka jáne Ozernyı orta mektepteri, M.Jumabaev aýdanyndaǵy Qaraǵandy orta mektebi jáne osy aýdandaǵy Býlaev balabaqsha-mektep kesheni.

Buǵan deıin SQO-da vaktsına egýdiń qalypty jaǵdaıda ótip jatqanyn aıtqan edik. Úsh kúnniń ishinde óńirdiń 900 medıtsına qyzmetkeri koronavırýsqa qarsy ekpe aldy.