SQO-da 5 kún ishinde esirtki qylmysyna qatysty 8 derek anyqtaldy
SQO polıtsııa departamenti baspasóz qyzmetiniń málimetinshe, oblys aýmaǵynda «Dármek» jedel-profılaktıkalyq is-sharasynyń birinshi kezeńi ótti. Bes kún ishinde polıtseıler 9 medıtsınalyq mekemeni, 36 dárihanany jáne 6 kásiporyndy tekserdi. Maqsat - zańdy aınalymdaǵy quramynda esirtkisi bar zattardyń zańsyz qoldanysqa ótýin boldyrmaý.
Nátıjesinde esirtki zattaryn jáne prekýrsorlardy saqtaý jáne olardyń aınalymyna qatysty 8 quqyq buzýshylyq anyqtaldy. Jaýapty tulǵalarǵa qatysty ákimshilik materıaldar jınastyrylyp, sheshim qabyldaý úshin ýákiletti organǵa jiberildi.
«Jedel-profılaktıkalyq is-sharanyń birinshi kezeńinde esirtki qylmysyna qatysty 8 derek anyqtaldy, onyń 2-ýi satý faktisi jáne 2-ýi asa iri kólemde esirtki saqtaý faktisi. Operatsııa barysynda zańsyz aınalymnan 1 kg jýyq túrli esirtki zattary tárkilendi», - dedi SQO polıtsııa departamenti esirtki qylmysyna qarsy is-qımyl basqarmasynyń bastyǵy Jandos Basybaev.