SQO-da 49 adam koronavırýspen aýyrdy

<p>PETROPAVL. KAZINFORM &ndash; Soltústik Qazaqstan oblysynda ótken jeti aıda 49 adam koronavırýs ınfektsııasyn juqtyryp, dárigerlerdiń kómegine júgingen. Bul ótken jyldyń sáıkes kezeńimen salystyrǵanda 6,5 ese&nbsp; tómen.</p>

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, byltyr qańtar-shilde aılarynda koronavırýs juqtyrýdyń 317 jaǵdaıy tirkelgen. Bıyl syrqattanǵandardyń 42-si – eresekter, úsheýi – 15-17 jas aralyǵynda bolsa, qalǵan tórteýi – 14 jasqa deıingi bala.

«Koronavırýs ınfektsııasy boıynsha epıdemıologııalyq jaǵdaı qazirgi ýaqytta turaqty. Sońǵy 3 aıda - mamyr, maýsym, shildede KVI jaǵdaılary tirkelgen joq. Tumaý, jiti respıratorlyq vırýstyq ınfektsııa, KVI aýrýlarynyń aldyn alý úshin bólmeni únemi jeldetip otyrýǵa, qoldy jýý úshin únemi antıseptıkalyq quraldardy paıdalanýǵa, aýrý adamdarmen baılanysty shekteýge, aýrý belgileri bar adamdarmen baılanysta bolǵan kezde betperde paıdalanýǵa, ýaqytyly medıtsınalyq kómekke júginýge keńes beremiz», - deıdi SQO sanıtarııalyq-epıdemıologııalyq baqylaý departamenti basshysynyń orynbasary Arman Kúshbasov.

Buǵan deıin SQO-da kókjótelden em alǵan balalardyń sany bes ese artqanyn jazǵan edik.