SQO-da 4 myńnan astam sheteldik avtokólik zańdastyryldy
SQO polıtsııa departamenti baspasóz qyzmetiniń málimetinshe, óńirde 2022 jyldyń 1 qyrkúıegine deıin el aýmaǵyna ákelingen sheteldik avtokólikterdi zańdastyrý jalǵasýda. Aktsııa osy jyldyń 1 shildesine deıin josparlanǵan.
Ákimshilik polıtsııa qyzmetkerleri zańdastyrý sharttaryn túsindirý boıynsha jappaı aqparattyq naýqan ótkizdi. Nátıjesinde bul jumys birqalypty, tolqýlar men túsinispeýshiliktersiz ótip jatyr. Kúrdeli jaǵdaılar jekeleı sheshiledi. Oblys turǵyndary «jedel jeli» - 8 (7152) 32-00-22, 8 (7152) 32-00-19 telefondary boıynsha tolyq keńes ala alady.
«Aýyr júk kóligin zańdastyrýǵa qatysty suraq kóp túsýde. Esterińizge sala keteıik, maksımaldy ruqsat etilgen salmaǵy 3,5 tonnadan asatyn júk kólikteri zańdastyrýǵa jatpaıdy. Olar jalpy negizde alǵashqy tirkeýden ótýi tıis. ıAǵnı memlekettik baj jáne ýtılızatsııalyq alymdy tóleıdi. Sondaı-aq kólik «Eýro-4» ekologııalyq klasyna sáıkes kelýi kerek», - deıdi SQO PD ákimshilik polıtsııa basqarmasynyń bastyǵy Serik Áljanov.
Mamandardyń aıtýynsha, M1, M1G, M2, M2G, N1, N1G sanatyndaǵy, onyń ishinde rýli oń jaqta ornalasqan kólik quraldary zańdastyrýǵa jatady.
Al qylmystyq, kedendik tazartýdan ótpegen kólik quraldary, 2022 jylǵy 1 qyrkúıekten keıin elge ákelingen kólik quraldary, sondaı-aq burynǵy memlekette tirkeýde turǵan avtokólikter zańdastyrylmaıdy.
Aktsııa bastalǵaly beri SQO-da 4115 adam óz kólikterin zańdastyryp úlgerdi.