SQO-da 4 kúnde kóshede túnde mas júrgen 8 jasóspirim anyqtaldy
SQO polıtsııa departamenti bıýaspasóz qyzmetiniń málimetinshe, 4 kúnde polıtseıler kámeletke tolmaǵandardyń ata-anasynyń erip júrýinsiz túnde úıden tys jerde bolýynyń 110 faktisin tirkedi, onyń 16-sy Petropavl qalasy boıynsha.
Kóshede mas júrgen 8 jasóspirim anyqtaldy, 4-ýi - oblys ortalyǵynyń turǵyny. Quqyq buzýshylardyń ata-analary ákimshilik jaýapkershilikke tartyldy.
Qolaısyz otbasylar da nazardan tys qalmaı, turǵylyqty jeri boıynsha tekserildi. Petropavlda ıývenaldy polıtseıler 60-tan astam meken-jaıǵa bardy. Osyndaı úı-úıdi aralaý nátıjesinde alkogoldi asyra paıdalanatyn áıel jáne qańǵybas 3 jasóspirim esepke alyndy. Solardyń birine anasynyń ózi shara qoldanýdy ótindi. 16 jastaǵy jasóspirim úıden birneshe ret óz erkimen ketip qalǵan.
«Endi onymen profılaktıkalyq jumys júrgiziledi, quqyq buzýshylyqtar qaıtalanǵan jaǵdaıda kámeletke tolmaǵandar isteri jónindegi komıssııanyń otyrysyna materıal jınalýy múmkin. Sondaı-aq, is-shara aıasynda polıtsııa qyzmetkerleri mektepterge synyp saǵattary men ata-analar jınalystaryna qatysý úshin keldi. Olar qaýipsiz minez-qulyq erejeleri týraly aıtyp, zańdylyqty buzǵany úshin qarastyrylǵan jaýapkershilikti eske saldy», — deıdi Petropavl q. PB JPQ bóliminiń ıývenaldy polıtsııa bólimshesiniń bastyǵy Ońalbek Ábdikárimov.
Іs-shara barysynda barlyǵy 176 ákimshilik quqyq buzýshylyq anyqtaldy, onyń ishinde kámeletke tolmaǵan balalardy tárbıeleýde mindetterdi oryndamaǵany úshin 46 zańdy ókil jaýapqa tartyldy.