SQO-da 38 jastaǵy áıel 2 aıdan beri tabylmaı jatyr

PETROPAVL. QazAqparat – Petropavldyń 38 jastaǵy turǵyny jeltoqsan aıynyń sońynda úıinen ketip, qaıtyp oralmaǵan, dep habarlaıdy QazAqparat tilshisi.

Soltústik Qazaqstan oblysynyń volonterleri Nına Dvoretskaıaǵa áleýmettik jeli arqyly izdeý jarııalady. Petropavldyń 38 jastaǵy turǵyny 21 jeltoqsan kúni Novaıa, 83 kóshesindegi úıinen shyǵyp ketken. Sodan beri habar joq.

Kelinshektiń boıy 165 sm shamasynda, aryqsha kelgen. Qysqa qara shashty, sur kózdi.

Úıden ketkende ústinde paltoǵa uqsas tigilgen qara kýrtka bolǵan. Basynda qara bas kıim, qara djınsy shalbar jáne qara «ýggı» kıgen.

Іshimdikke salynyp ketýi múmkin.

Kórgen-bilgender 8 777 307 99 65, 8 926 626 64 33 nemese 102 telefon nómirlerine habarlasa alady.

Al buǵan deıin izdeý jarııalanǵan Shynar Baıǵabul aman-esen bes kúnnen keıin tabyldy. 19 jasar boıjetken 20 aqpan kúni tańerteń sabaǵyna baramyn dep úıden shyǵyp ketken. Keshke úıine kelmegen soń ata-anasy polıtsııaǵa habar berip, ony izdeýge tártip saqshylarymen birge volonterler de jumyldyrylǵan edi.

Jalpy Petropavlda jyl basynan beri 50-ge jýyq adamǵa izdeý jarııalansa, olardyń basym bóligi kezekshi táýlik ishinde aman tabylyp, týystarymen qaýyshty.