SQO-da 38 myń gektar bos jatqan jer memleket menshigine qaıtaryldy

PETROPAVL. QazAqparat – Soltústik Qazaqstan oblysynda byltyr 38 myń ga paıdalanylmaı jatqan jer, sonyń ishinde 12 myń ga sot arqyly memleket menshigine qaıtaryldy, dep habarlaıdy QazAqparat tilshisi.

SQO aýyl sharýashylyǵy jáne jer qatynastary basqarmasynyń málimetinshe, óńirdiń jalpy aýmaǵy – 9,8 mln ga. Onyń 75 %-y aýyl sharýashylyǵyn júrgizýge arnalǵan. ıAǵnı 7,3 mln ga-dyń 4,9 mln-y egistik, 2,1 mln-y jaıylymdyq jerler.

Byltyr mamandar bos jatqan 15 myń ga alqapty anyqtaǵan. Onyń 12 myńy - jaıylymdar. Bul jerler boıynsha tekserister júrgizilip, olqylyqtardy joıýǵa uıǵarymdar jiberildi. Nátıje shyqpaǵan jaǵdaıda jerdi memlekettik menshikke qaıtarý boıynsha is-sharalar qolǵa alynady.

«Memleket menshigine 38 myń ga, sonyń ishinde 17 myń ga egistik, 20 myń ga jaıylymdyq jer qaıtaryldy. Onyń 12 myń gektaryn sot tártibimen qaıtarýǵa týra keldi. Al 26 myń ga jerdi maqsatty paıdalanbaǵandarmen jaldaý

sharttary buzyldy», - deıdi SQO aýyl sharýashylyǵy jáne jer qatynastary basqarmasynyń basshysy Erbolat Bekshenov.

Aýyldarda mal basyn kóbeıtip, jeke isin ashqan turǵyndarǵa byltyr jalpy aýmaǵy 5,3 myń ga bolatyn 28 jaıylym berilgen.

«Byltyr jer komıssııalarynyń 310 otyrysy ótkizildi, onda 8 621 ótinish qaraldy. Budan basqa 28 konkýrs jarııalandy, onyń 17-si ótkizilip, 141 myń ga aýyl sharýashylyǵy maqsatyndaǵy jer berildi. Onyń 26 myń ga egistik alqaptary bolsa, 111 myńy - jaıylymdar. Bıylǵy jyldyń 1 toqsanynda 5 myń ga-ǵa 3 konkýrs ótkizý josparlanǵan», - deıdi Erbolat Bekshenov.

Al jeke turǵyn úı qurylysyna byltyr 478 jer ýchaskesi berilgen. Onyń ishinde 82 ýchaskeni Petropavl turǵyndary aldy.