SQO-da 300 sharýa jeńildetilgen nesıe alady - Qumar Aqsaqalov

NUR-SULTAN. QazAqparat - Soltústik Qazaqstan oblysynda 300-ge jýyq sharýa jeńildetilgen nesıe alady. Bul týraly Soltústik Qazaqstan oblysynyń ákimi Qumar Aqsaqalov aıtyp berdi, dep habarlaıdy QazAqparat tilshisi.

«Memleket halyqty tótenshe jaǵdaı kezinde qoldaý úshin buryn-sońdy bolmaǵan sharalar qabyldaýda. Jaqynda Memleket basshysy halyqqa undeýinde halyqqa qarjylaı kómektiń áleýmettik paketin keńeıtti. 42 500 teńge kólemindegi tólemdi beıresmı jumys istegen ózin-ózi jumyspen qamtyǵandar da ala alady. Ol úshin Egov.kz elektrondy úkimet portalynda ótinim qaldyrý qajet. Jáne Telegram-bot iske qosylady», - dedi oblys ákimi «QYZYLJAR» telearnasynyń tikeleı efırinde.

Barlyq saqtandyrylmaǵan azamattar 1 shildege deıin Mindetti áleýmettik saqtandyrý júıesindegi medıtsınalyq kómekti tolyq kólemde ala alady.

Tegin azyq-túlik jıyntyǵy beriletin azamattar sanaty keńeıtildi. Az qamtylǵan kópbalaly otbasylardan bólek, bul kómekti 1,2,3 toptaǵy múgedekter men resmı jumyssyzdar da alatyn boldy.

«Sonymen birge, Prezıdent kóktemgi egin jumystaryn júrgizý úshin sharýalarǵa tolyq qoldaý kórsetýdi tapsyrdy. Fermerler 5 paıyzben jeńildetilgen nesıe ala alady. Bul maqsatta elimiz boıynsha 70 mlrd teńge bólinedi. Bizdiń oblysta 300-ge jýyq agrarlyq kásiporyndar osy múmkindikti paıdalanady», - dedi Q. Aqsaqalov.

Aıta keteıik, 3 sáýir kúni saǵat 00.00-de Petropavl qalasy aýmaǵyna karantın rejımin engiziledi. Turǵyndar túnge deıin qalaǵa kirip-shyǵa alady.

Barlyq qoǵamdyq oryndar, saıabaqtar men skverler jabyldy. Qala mańy avtobýstary men barlyq qoǵamdyq kólik qozǵalysy toqtaıdy.