SQO-da 300-den astam jumysshyǵa jalaqysyn bermeı kelgen eki sharýashylyq qaryzdy ótedi

PETROPAVL. QazAqparat – Soltústik Qazaqstan oblysy Ýálıhanov aýdanynda jumysshylarymen oraq úshin esep aıyryspaǵan eki sharýashylyq quzyrly mekemelerdiń aralasýynan keıin eńbekaqy boıynsha qaryzdy japty, dep habarlaıdy QazAqparat tilshisi.

Buǵan deıin SQO Ýálıhanov aýdany Aqtúıesaı aýylynyń turǵyndary «Qyzyltý Astyq» JShS 2019 jylǵy oraqta tapqan eńbekaqysyn ala almaı júrgenin jazǵan edik.

SQO prokýratýrasy baspasóz qyzmetiniń málimetinshe, eńbekaqy boıynsha qordalanǵan qaryzy bar Ýálıhanov aýdanyndaǵy «Qyzyltý NAN» jáne «Qyzyltý Astyq» JShS-teri kúzgi oraq boıynsha bereshekten qutyldy.

300-den astam adam eńbek etetin agrofırma prokýratýra organdarynyń úılestirýi arqasynda jáne memlekettik eńbek ınspektsııasy basqarmasy men aýdandyq polıtsııa bólimi júrgizgen keshendi is-sharalar nátıjesinde 62 mln teńge kóleminde jalaqy qaryzyn ótedi.

«Eńbekaqyny keshiktirip tóleý faktileri birneshe ret qaıtalanǵan jaǵdaıda azamattarǵa ishki ister organdaryna jumys berýshini qylmystyq jaýapkershilikke tartý jáne tapqan qarajatty qaıtarý úshin shaǵymdanýǵa quqyly ekenin eske salamyz» delingen baspasóz habarlamasynda.