SQO-da 30 myńǵa jýyq nurotandyq praımerız qatysýshylaryna daýys beredi

PETROPAVL. QazAqparat – Soltústik Qazaqstan oblysynda praımerızdiń daýys berý kezeńinde «Nur Otan» partııasynyń 30 myńǵa jýyq múshesi daýys beredi, dep habarlaıdy QazAqparat tilshisi.

SQO-da 200 saılaý ýchaskesi bar. Onyń 102-si onlaın, qalǵan 98-i dástúrli túrde bıýlleten arqyly daýys berýge arnalǵan.

«Nur Otan» partııasynyń músheleri búgin-erteń onlaın túrde daýys berip jatyr. 3 qazan saılaý ýchaskesine kelip, bıýlleten toltyrý arqyly tańdaý jasaýǵa bolady. Bul, ınternet arqyly daýys berýge jaǵdaıy joqtarǵa jáne shalǵaı aýyldardaǵy partııa múshelerine jasalyp otyrǵan múmkindik», - deıdi «Nur Otan» partııasynyń SQOF bólim meńgerýshisi Aızada Rahmetova.

Partııanyń SQO-daǵy 20 myńnan astam múshesi daýysty onlaın berse, 7 myńnan astamy saılaý ýchaskelerine baryp tańdaý jasamaq.

SQO-da debatqa qatysýǵa 645 kandıdat nıet etse, sonyń 632-si kelesi kezeńge ótti. Olardyń 114-i Petropavl qalasynan.