SQO-da 3 myńnan astam úı áli de sý astynda tur
«SQO-da jaǵdaı áli de kúrdeli. Sergeev sý qoımasyndaǵy sýdyń deńgeıi 1 metr 38 sm-di quraıdy. Bul onyń 125 paıyzǵa tolǵanyn bildiredi. Qaýipti deńgeı – 1 metr 50 sm. Táýlik ishinde sý deńgeıi 11 sm-ge tómendedi. Oblysta, Esil ózeniniń boıynda sý deńgeıiniń edáýir tómendegeni baıqalady. Esil aýdanynda Pokrovka selosynyń gıdrobeketinde sý deńgeıi 51 sm, Novonıkolskoe selosynda 24 sm tómendedi. Demek sý tasqyny ekinshi deńgeıiniń shyrqaý sheshi ol jaqta ótti. Al Petropavlda sý tasqynynyń shyrqaý shegi qazir ótip, táýlik ishinde sý deńgeıi 19 sm tómendedi», - dedi ol Ortalyq kommýnıkatsııalar qyzmetindegi brıfıngte.
Onyń aıtýynsha, naqtylanǵan málimetter boıynsha, SQO-da sý tasqyny bastalǵannan beri 3 898 úıdi sý basty, 712 úıden sý ketti. Qazirgi sátte 3 186 úı jáne 750 úı mańyndaǵy aýla sýda tur. Jalpy oblys boıynsha 14 myńnan adam evakýatsııalandy, olardyń 3 596-sy - bala. 764 adam úılerine qaıtty, olardyń 200-i - bala.
«Halyqty ýaqytsha ornalastyrý pýnktterinde 906 adam, onyń ishinde 159 bala ornalastyryǵan. 12 718 adam týysqandarynyń úıinde. Kóshirilgen adamdar 13 halyqty ýaqytsha ornalastyrý pýnktterinde. Olar 8 aýdanda, 5 oblys ortalyǵynda ornalasqan. Olarǵa TJM Apattyq medıtsına ortalyǵynyń, TJ departamentiniń psıhologtary men dárigerleri qyzmet kórsetýde. Tótenshe jaǵdaıdy joıýǵa barlyq kúshter jumyldyryldy. Sý tasqynyna qarsy is-sharalaryn oryndaýǵa qazir SQO TJD, TJM-niń Astana, Aqmola,Túrkistan, Qaraǵandy, Pavlodar, Ulytaý oblystarynyń kúshteri tartylǵan», - dedi resmı ókil.