SQO-da 23 mln teńge jymqyrdy degen kúdikpen mektep býhgalteri ustaldy

NUR-SULTAN. QazAqparat – Soltústik Qazaqstanda sporttyq mektepterdiń biriniń býhgalteri bıýdjet qarajatynyń jymqyrylý faktisine qatysty kúdikti dep tanylyp otyr, dep habarlaıdy QazAqparat tilshisi.

«Soltústik Qazaqstan oblysynyń sybaılas jemqorlyqqa qarsy kúres qyzmetkerleri oblystaǵy sporttyq mektepterdiń biriniń býhgalterine qatysty sotqa deıingi tergeý amaldaryn aıaqtady. Ol óziniń kartochkalyq shotyna 23 mln 781 myń 833 teńge kóleminde aqshany artyq aýdaryp alý kúdigine ilindi. Ol qarajat mekteptiń basqa shyǵyndaryna, atap aıtqanda issapar, oqý-jattyǵý jıyndaryna jumsalýy tıis edi», - deıdi QR Sybaılas jemqorlyqqa qarsy is-qımyl agenttiginiń 1-shi departamentiniń asa mańyzdy ister jónindegi tergeýshisi Danııar Bekaıdarov agenttiktiń búgingi «Antıkor LIVE» aıdarynda.

Іs-materıaldary kúdikti men onyń qorǵaýshysyna tanystyrylǵan. Іske qatysty túpkilikti sheshimdi sot qabyldaıdy.