SQO-da 20 shaqty jol ýchaskesinde júk kólikteriniń júrýine shekteý qoıyldy

<p>PETROPAVL. KAZINFORM &ndash; Soltústik Qazaqstan oblysynda kóktemgi sý tasqyny kezeńinde jol jabynyn saqtaý maqsatynda júk kólikteriniń júrýine shekteý qoıyldy.</p>

«QazAvtoJol UK» AQ Soltústik Qazaqstan oblystyq fılıaly baspasóz qyzmetiniń málimetinshe, shekteý bir oske 8 tonnadan artyq salmaq túsetin júk kólikterine qatysty.

QR Kólik jáne kommýnıkatsııa mınıstriniń «QR respýblıkalyq mańyzǵa ıe jalpy qoldanystaǵy avtokólik joldarynda kólik quraldarynyń júrýin uıymdastyrý týraly» buıryǵyna sáıkes bıyl V klımattyq aımaqta 1 naýryz ben 1 sáýir aralyǵynda, ІV klımattyq aımaqta 23 naýryz ben 1 mamyr aralyǵynda qozǵalysqa ýaqytsha shekteýler engizilip otyr.

Shekteý engiziletin joldar:

- M-51 «Chelıabi-Novosibir»;

- M-36 RF shekara (Ekaterınbýrg baǵyty) – Almaty;

- R-49 Petropavl qalasyn aınalyp ótetin jol;

- A-1 «Astana-Petropavl»;

- A-12 «Petropavl-Sokolovka-RF shekarasy» (Ishım qalasy baǵyty);

- A-13 «Kókshetaý-Kishkenekól- Bıdaıyq-RF shekarasy» (Omby baǵyty);

- A-16 «Jezqazǵan- Petropavl»;

- A -21 «Mamlıýtka -Qostanaı»;

- R-11 «Kókshetaý-Rýzaevka»;

-R-28 «Qarasaı men Aǵyntaı batyr memorıaldyq keshenine aparatyn jol»;

- R-58 «Býlaevo-Vozvyshenka- Molodogvardeıskoe-Kırov-Qııaly-Roşınskoe»;

- R- 59 «Roşınskoe-Korneevka-Voloshınka»;

- R- 60 «Voloshınka-Sergeevka-Tımırıazevo»;

- R- 61 «Tımırıazevo-Sarykól-oblys shekarasy»;

- R- 62 «Petropavl áýejaıyna aparatyn jol»;

- R – 57 «Peterfeld-Arhangelskoe-Novokamenka-Jezqazǵan-Petropavl».

Bul joldarda qazirgi ýaqytta «QAJservıs» JShS ýaqytsha jol belgilerin ornatyp jatyr. Barlyǵy 147 belgi ornatylady.