SQO-da 19 jastaǵy jigitten 2 myń doza sıntetıkalyq esirtki alyndy
SQO polıtsııa departamenti baspasóz qyzmetiniń málimetinshe, Qyzyljar aýdanynyń ortalyǵy Beskóldiń 19 jastaǵy turǵyny Petropavl kolledjderiniń birinde oqıdy. Jaqsy otbasynyn shyqqan. Jigittiń oblys ortalyǵynda jalǵa alǵan páterin teksergen kezde, 341,1 gramm untaq zat salynǵan birneshe tsellofan paketi tabyldy.
Untaq zat saraptamaǵa jiberilip, onyń «tuz» degen atpen belgili «alfa-PvP» esirtkisi ekeni anyqtaldy. Bul adamǵa qatty áser etetin sıntetıkalyq psıhobelsendi zat.
Atalǵan fakti QR Qylmystyq kodeksiniń 296-babynyń 4-bóligi, ıaǵnı, asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý boıynsha Sotqa deıingi tergep-tekserýdiń biryńǵaı tizilimine engizildi.
«Qazirgi ýaqytta bultartpaý sharasy tańdaldy. Ustalǵan jigit osy iri kólemdegi esirtkini ózim qoldaný úshin saqtadym dep otyr. Ol esirtkige táýeldi retinde esepte turǵan joq. Jalǵa alynǵan páterden «tuzdan» bólek oraıtyn materıal men gramdap ólsheıtin tarazy tabylyp, zattaı aıǵaq retinde alyndy. Basqarma qyzmetkerleri qazir onyń esirtkini ótkizýge qatysy bar-joǵyn tekserip jatyr. Sonymen qatar, tergeý áreketteri barysynda tyıym salynǵan zatty satýmen aınalysqan ınterner-resýrs tekseriledi», - deıdi SQO PD bastyǵynyń orynbasary Rýslan Nazarov.