SQO-da 1700 oryndyq 4 stýdenttik jataqhana salynady

PETROPAVL. QazAqparat - SQO-da 1700 oryndyq 4 jataqhana salynady dep josparlanǵan. Olardyń bireýi jaqynda paıdalanýǵa berildi, dep habarlaıdy QazAqparat tilshisi.

SQO ákiminiń baspasóz qyzmetiniń habarlaýynsha, óńirde jataqhanalarda stýdentterge oryn jetispeýshilik máselesi birtindep sheshilip keledi. Petropavlda ınvestor Denıs Bernat 1700 orynǵa shaqtalǵan 4 jataqhana salýdy josparlasa, 280 oryndyq alǵashqysy qoldanysqa berildi. Oblys ákimi Qumar Aqsaqalov jańa jataqhanada bolyp, stýdenttermen tildesti.

Qazir Manash Qozybaev atyndaǵy SQMÝ-de 7 myń stýdent bilim alýda, basqa qalalardan kelgen onyń jartysyna jýyǵy jataqhanany qajet etedi. Osy kúnge deıin 1776 stýdent baspanamen qamtylǵan joq. Oryn jetispeýshilik máselesi jańa jataqhanalardy salý arqyly sheshilýde.

«Elbasynyń «5 áleýmettik bastamasy» aıasynda biz ýnıversıtet basshylyǵymen bul máseleni júıeli túrde sheship jatyrmyz. Investorlar tartyldy. Olar 280 oryndyq jataqhanany qaıta qalpyna keltirdi. Jańa oqý jylynda 330 oryndyq taǵy bir jataqhana ashylady. Sóıtip, tek bir jyldyń ishinde 610 stýdent baspanamen qamtylady. ıAǵnı, oryn jetispeýshilik 34 paıyzǵa qysqaryp, 1116 oryndy quramaq. Máseleni tolyq sheshý úshin barlyq múmkindikterdi paıdalanamyz», - dedi Qumar Aqsaqalov.

Jańa oqý jylynda SQMÝ-de 8 myń stýdent oqıtyn bolady. Óńir basshysy «tıisinshe oryndar da kóbeıý kerek» deıdi.