SQO-da 1,7 myń lıtr kontrafaktilik spırttik ónim aınalymnan alyndy

<p>PETROPAVL. KAZINFORM &ndash; Soltústik Qazaqstan oblasynda tas jolda polıtseıler Memlekettik kirister departamentimen birge bir tonnadan astam kontrafaktilik alkogoldi tárkiledi.</p>

SQO polıtsııa departamenti baspasóz qyzmetiniń málimetinshe, uıymdasqan qylmysqa qarsy is-qımyl basqarmasyna kontrafaktilik alkogoldiń kóp mólsherdegi zańsyz aınalymy týraly aqparat kelip túsken.

Polıtseıler oblys boıynsha memlekettik kirister departamentiniń qyzmetkerlerimen birge Qyzyljar aýdanynyń aýmaǵynda, «Astana – Petropavl» avtojolynda júk kóligin toqtatty. «GAZel» avtomashınasynda Petropavldyń 49 jastaǵy turǵyny bolǵan.

Foto: SQO PD baspasóz qyzmeti

Kólikten 70 dana bes lıtrlik jáne kólemi 0,5 bolatyn 2680 bótelke tárkilendi. Ydystardyń ishinde spırti bar suıyqtyq bolǵan. Tárkilengen ónimniń jalpy kólemi 1 690 lıtr boldy. Júk ıesiniń ishimdikke qujattary bolmaǵan.

Atalǵan derek boıynsha materıal protsessýaldyq sheshim qabyldaý úshin Petropavl qalasy boıynsha memlekettik kirister basqarmasyna berildi.

Foto: SQO PD baspasóz qyzmeti

«Sapasy tekserilmegen, lıtsenzııalanbaǵan alkogol adam ómiri men densaýlyǵyna qaýip tóndirýi múmkin ekenin eske salamyz», - deıdi SQO PD uıymdasqan qylmysqa qarsy is-qımyl basqarmasynyń ókilderi.

Buǵan deıin Shymkent ákiminiń eks-orynbasaryna sot úkimi shyqqanyn aıtqan edik.