SQO-da 14 jastaǵy qyzdy zorlady degen kúdikpen 23 jastaǵy jigit ustaldy

PETROPAVL. QazAqparat – Soltústik Qazaqstan oblysynda 23 jastaǵy jigit kámelet jasyna tolmaǵan qyzdy zorlady degen kúdikpen ustalyp, ýaqytsha ustaý ızolıatoryna qamaldy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, 15 aqpanda Maǵjan Jumabaev aýdany polıtsııa bóliminiń kezekshi bólimine Býlaev qalasyndaǵy úılerdiń birinde 14 jasar qyzdyń zorlanǵany týraly habarlama kelip tústi.

Atalǵan fakti «Zorlaý» baby boıynsha Sotqa deıingi tergep-tekserýlerdiń biryńǵaı tiziliminde tirkeldi.

Kóp uzamaı polıtsııa qyzmetkerleri Býlaev qalasynyń 23 jastaǵy turǵynyn anyqtap, ustady. Qazirgi ýaqytta kúdikti ýaqytsha ustaý ızolıatorynda otyr.

«Atalǵan fakti boıynsha tıisti saraptamalar taǵaıyndaldy, istiń mán-jaıyn anyqtaýǵa baǵyttalǵan qajetti tergeý áreketteri júrgizilýde, olardyń nátıjeleri boıynsha zańdy protsessýaldyq sheshim qabyldanatyn bolady.

QR Qylmystyq-protsessýaldyq kodeksiniń 201-babyna sáıkes ózge aqparat jarııa etilmeıdi. Azamattardan tek tekserilgen, rastalǵan resmı aqparatqa nazar aýdarýdy suraımyz», - delingen vedomstvo taratqan habarlamada.

Sondaı-aq, Maǵjan Jumabaev aýdanynyń polıtsııa bólimine birneshe adamnan mektep oqýshysynyń synyptastaryn pyshaqpen qorqytqandyǵy týraly aryz-shaǵymdar túsken.

Qazirgi ýaqytta bul fakti boıynsha polıtsııa qyzmetkerleri tekseris júrgizip jatyr.