SQO-da 135 adam alıment boıynsha 146,2 mln teńge bereshek

<p>PETROPAVL. KAZINFORM &ndash; Soltústik Qazaqstan oblysynyń prokýrorlary alıment tóleýden qasaqana jaltaryp júrgenderdi jınap, kezdesý ótkizdi. Jıynǵa memlekettik jáne jeke sot oryndaýshylary, sondaı-aq oblystyń jumyspen qamtýdy úılestirý jáne áleýmettik baǵdarlamalar basqarmasynyń qyzmetkerleri de shaqyryldy.</p>

SQO-da alıment boıynsha qaryz 192,6 mln teńgege jetken, onyń 46,2 mln teńgesi qasaqana boryshyn tóleýden qashqan 135 adamdyki.

Kezdesýde boryshkerlerge qaryzdan qutylý tártibi, jumysqa, onyń ishinde arnaıy ortalyqtar arqyly ornalasý, sondaı-aq mindettemeni oryndamaǵan jaǵdaıda onyń quqyqtyq saldary túsindirildi. Boryshkerlerge ákimshilik jáne qylmystyq jaýapkershilik qarastyrylǵan.

Máselen prokýrorlyq qadaǵalaý aktileri boıynsha 43 boryshker ákimshilik jaýapkershilikke tartylǵan.

Sondaı-aq sot oryndaýshylarynyń alıment óndirý máseleleri boıynsha jumysy úılestirildi, alıment boıynsha qaryzy barlarǵa jumysqa ornalasý týraly habarlamalar, sondaı-aq atqarýshylyq is júrgizý aıasynda shyǵarylǵan ózge de qujattar tabys etildi.