SQO-da 100 turǵyn úı salý týraly memorandýmǵa qol qoıyldy

<p>ASTANA. KAZINFORM &ndash; Soltústik Qazaqstan oblysyndaǵy barlyq sý arterııalarynda turaqty tómendeý baıqalady. Bul týraly Ortalyq kommýnıkatsııalar qyzmetinde ótken brıfıngte SQO ákimi apparatynyń jumyldyrý daıyndyǵy jáne azamattyq qorǵaý bóliminiń basshysy Serik Ǵaısın málimdedi.</p>

Osy ýaqytqa deıin 3 898 úıdi sý basqan. 3 617 úı áli sý astynda tur. Barlyǵy 14 388 adam evakýatsııalanyp, úılerine 764 adam oraldy.

«Búginde 100 AEK mólsherinde birjolǵy tólemdi 2 666 otbasy aldy. Onyń jalpy somasy 984 mln teńgege teń. Qala aýmaǵynda 3031 qurylymy bar 34 saıajaı seriktestigi sý astynda qaldy. Qazirgi tańda «Qazaqstan Halqyna» qorymen quny 2,7 mlrd teńge bolatyn bir úlgidegi 100 turǵyn úı salý týraly memorandýmǵa qol qoıyldy», - dedi Serik Ǵaısın.

Aıta keteıik, Petropavl qalasynda jáne aýdandarda sý tasqyny saldaryn joıý, qalpyna keltirýge jatpaıtyn turǵyn úıdi buzý jáne jóndeý-qalpyna keltirý jumystaryn júrgizý úshin 85 mehbrıgada qurylǵan.