SQO-da 100 myń teńge para alǵan órt sóndirýshi sottaldy
QR Sybaılas jemqorlyqqa qarsy is-qımyl agenttigi 1-shi departamentiniń aǵa tergeýshisi Danııar Bıgaıdarovtyń aıtýynsha, SQO sybaılas jemqorlyqqa qarsy qyzmeti osyǵan deıin oblystyq órt sóndirý jáne avarııalyq-qutqarý jumystary qyzmetiniń áskerı jumyldyrý jumysynyń bas mamany E.K. Qulaqpaevqa qatysty sotqa deıingi tergeýdi aıaqtaǵan. Ol «SOP Rys» JShS dırektory T.S. Muqyshevten qyzmet kórsetý boıynsha mindettemesinde, atap aıtqanda, SQO Mamlıýtka qalasyndaǵy «NZ» qoımasyn kúzetýde óreskel zańbuzýshylyq faktisine qatysty shara qoldanbaǵany úshin 100 myń teńge kóleminde para aldy degen kúdikke ilingen.
«17 naýryzda Petropavl qalalyq sotynyń úkimimen Qulaqpaevqa 3 mln teńge kóleminde aıyppul salyndy. Qulaqpaevtyń 2020 jyldyń 8 aqpany men 16 naýryzy aralyǵynda qamaýda bolýyn eskere otyryp, aıyppul túrinde taǵaıyndalǵan jaza 2 mln 607 myń 652 teńgege deıin azaıtyldy», - dep habarlady Danııar Bıgaıdarov agenttiktń onlaın rejimdegi baspasóz máslıhatynda.
Sottalýshy memlekettik qyzmette laýazym atqarý quqyǵynan ómir boıyna aıyryldy.