SQO-da 10 jylǵa jýyq alıment tólemegen er adam sottaldy
SQO polıtsııa departamenti baspasóz qyzmetiniń málimetinshe, Qyzyljar aýdany turǵynynyń 9 jasar qyzyna bereshegi 700 myń teńgege jetken. Balanyń anasy sot oryndaýshylaryna júgingen, alaıda olardyń aralasýynan keıin de er adam óz mindetin oryndaýǵa asyqpaǵan.
Qyzyljar aýdanynyń polıtsııa bólimi «Balalaryn kútip-baǵýǵa arnalǵan qarajatty tóleý jónindegi mindetterdi oryndamaý» baby boıynsha sotqa deıingi tergeýdi bastap, aýyl turǵynynyń tabysy bar ekenin anyqtady. Tergeý aıaqtalyp, is prokýratýraǵa joldanǵannan keıin ǵana ol qylmystyq jaýapkershilikten qutyla almaıtynyn túsingen. Nátıjesinde burynǵy áıelimen tatýlasyp, alıment boıynsha barlyq qaryzdaryn tóledi.
Al osy aýdandaǵy Beloe aýylynyń 33 jastaǵy turǵyny bala aldyndaǵy mindetterin oryndamaı, 2011 jyldan alıment tólemegen. Tergeý barysynda onyń aı saıyn eńbekaqy alatyndyǵy anyqtaldy. Alıment tóleý týraly sot sheshimin oryndamaı kelgen. Endi onyń bas bostandyǵy bir jylǵa shekteldi.
«Balalaryna alıment tólemeıtinderge qatań jaza qarastyrylǵan. Olar qoǵamdyq jumystarǵa ǵana jegilip qoımaı, bas bostandyǵynan da aıyrylýy múmkin», - deıdi SQO PD Anyqtaý basqarmasynyń bastyǵy Erbol Bekturov.