SQO-da 10 jylda halyq sany 45,8 myń adamǵa azaıǵan

<p>ASTANA. KAZINFORM &ndash; Soltústik Qazaqstan oblysynda halyq sany azaıǵan. Munyń sebebin oblys ákimi Ǵaýez Nurmuhambetov túsindirdi.</p>

«Sońǵy 10 jylda halyq sany 45,8 myń adamǵa qysqardy, onyń ishinde aýyl halqynyń sany 63,8 myń adamǵa azaıdy. Bul rette, 10 jyl ishinde kóshi-qon saldosy mınýs 54,5 myń adam, onyń ishinde syrtqy – mınýs 23,8 myń adam boldy. Syrtqy kóshi-qonnyń 70%-y Reseı Federatsııasyna tıesili. Bul protsess zańdy, óıtkeni biz soltústiktegi kórshimizdiń 3 oblysymen shektesemiz, ol jaqqa negizinen jastar jalaqysy joǵary jumys, qolaıly áleýmettik jaǵdaı izdep ketedi», - dep Ǵaýez Nurmuhambetov Senatta ótken Úkimet saǵatynda málim etti.

Ákimniń aıtýynsha, soltústikqazaqstandyqtardyń syrtqa jaıly ómir izdep ketýi óńirdiń demografııalyq ósimge áser etip otyr.

«Elimizdiń soltústik óńirlerinde aýyl kóp. Bul - tarıhı qalyptasqan jaǵdaı», - deıdi ol.