SQO-da 10 kún ishinde turmystyq zorlyq-zombylyqtyń 75 deregi anyqtaldy

<p>PETROPAVL. KAZINFORM &ndash; Soltústik Qazaqstan oblysynda &laquo;Turmys&raquo; jedel-aldyn alý is-sharasy ótti. Nátıjesinde otbasy shyrqyn buzǵan 73 janjalqoı ákimshilik jaýapkershilikke tartyldy.</p>

SQO óńirlik kommýnıkatsııalar qyzmetinde polıtseıler 10 kúnge shaqtalǵan «Turmys» jedel-aldyn alý is-sharasyn qorytyndylady. Osy aralyqta tártip saqshylary esepte turǵan 883 otbasyny aralap shyqty. Maqsat – turmystyq zorlyq-zombylyqtyń aldyn alý, bolǵan faktilerdi anyqtap shara qoldaný. 

«Іs-shara barysynda 325 quqyq buzýshy, sonyń ishinde otbasyndaǵylardyń mazasyn alǵan 73 janjalqoı ákimshilik jaýapkershilikke tartyldy. 133 qorǵaý nusqamasy shyǵaryldy. Turmystyq zorlyq-zombylyqtyń 75 deregi anyqtalsa, sonyń 52-sin polıtseıler japa shegýshiler aryz bermeı-aq ózderi anyqtady. Sondaı-aq sot quqyq buzýshylardyń 40-yna spırttik ishimdik ishýge tyıym salatyn erekshe talaptar qoıdy», - deıdi Petropavl qalalyq polıtsııa basqarmasy áıelderdi zorlyq-zombylyqtan qorǵaý tobynyń aǵa ınspektory Ásem Іlııasova. 

Polıtseılerge turmystyq zorlyq-zombylyqpen kúresýge volonterler de kómektesedi. Іs-shara aıasynda olardyń kómegimen ómirlik qıyn jaǵdaıǵa tap bolǵan 11 otbasy anyqtaldy. 

Narkologııalyq ortalyqqa maskúnemdikke salynǵan 9 adam májbúrli túrde jatqyzyldy.