SQO boıynsha Sot ákimshiligi departamentine jańa basshy taǵaıyndaldy

<p>PETROPAVL. KAZINFORM &ndash; Soltústik Qazaqstan oblysy boıynsha Sot ákimshiligi departamentine basshy bolyp Manas Borashev taǵaıyndaldy.</p>

Vedomstvonyń jańa jetekshisin óńir sýdıalary men sot ujymdaryna Sot ákimshiligi basshysynyń orynbasary Jantemir Shakıev tanystyrdy. Aıtýynsha, Manas Borashevtiń ártúrli jaýapty jáne basshy qyzmette mol tájirıbesi bar. Sondaı-aq departamenttiń jańa basshysynyń aldyna birqatar mindet qoıyp, óńirdegi sottardyń jumystaryn uıymdastyrý sapasyn arttyrý úshin barlyq kúsh-jigerin salatynyna senim bildirdi. 

Foto: SQO soty

SQO sotynyń málimetinshe, Manas Borashev 1970 jyly Almaty qalasynda týǵan.

2005 jyly «Qarjy jáne nesıe» mamandyǵy boıynsha Qazaq kommertsııalyq-qarjy akademııasyn jáne 2009 jyly «Quqyqtaný» mamandyǵy boıynsha Qaztutynýodaǵynyń Qaraǵandy ekonomıkalyq ýnıversıtetin bitirgen.

Buǵan deıin SQO-da ósimdik maıy men jarmalardyń arzandaǵanyn jazǵan edik.