SQO: Birneshe aýdan ákimine sógis jarııalandy

PETROPAVL. QazAqparat – Soltústik Qazaqstan oblysynda eki aýdannyń ákimi tártiptik jazaǵa tartyldy, dep habarlaıdy QazAqparat tilshisi.

Óńir basshysy Qumar Aqsaqalov Aıyrtaý aýdanynyń ákimi Beıbit Ismanovqa qurylys, sáýlet jáne qala qurylysy basqarmasynyń basshysy Serik Muhamedıevke, Jambyl aýdanynyń ákimi Muratbek Ábishevke qyzmettik mindetterin jóndi atqarmaǵany úshin qatań sógis jarııalady. Sheneýnikter 9 aıdyń qorytyndysy boıynsha, áleýmettik-ekonomıkalyq damýdyń josparly kórsetkishterine qol jetkizbegen.

«Alǵashqy jarty jyldyqtyń áleýmettik-ekonomıkalyq damý kórsetkishterine qol jetkizbegeni úshin Jambyl, Mamlút jáne Shal aqyn aýdandarynyń ákimderi tártiptik jaýapqa tartyldy. Jyldyń aıaǵyna qaraı ne bolaryn kóremiz», - dedi Q. Aqsaqalov

Avtory: Olesıa Jýkoven