SQO bıyl 3 myńǵa jýyq qonys aýdarýshyny qabyldaýǵa ázir
SQO - turǵyndar sany az óńirlerdiń qatarynda. Statıstıkaǵa súıensek, 2023 jyldyń 1 jeltoqsanynda halyq sany 530,7 adam bolǵan. Qańtar-qarasha aralyǵynda 5151 náreste dúnıege kelse, bul 2022 jyldyń osy kezeńimen salystyrǵanda 4,1 % tómen. Ár besinshi turǵyn - zeınetker. Bul máseleni sheshýdiń bir joly - ishki kóshi-qon, halqy tyǵyz ornalasqan óńir turǵyndaryn soltústikke kóshirý. Bıyl osy maqsatqa respýblıkalyq qazynadan 3,3 mlrd teńge bólinip otyr. Qonystandyrý «Qýatty óńirler – eldi damytýdyń draıveri» ulttyq jobasy aıasynda júzege asady.
«Búgingi kúni ótken jylǵy jospar 100 % oryndaldy. 2023 jyly 2460 adam qonys aýdardy. 265 adam qandas basqa memleketterden kóship keldi. Olarǵa 1 mlrd 200 mln astam teńge qarajat bólindi.
Bıyl jumys kúshi basym óńirlerden 2 702 adamdy jáne 207 qandasty qarsy alýǵa daıynbyz. Olardy 176 eldi mekenge ornalastyramyz. Bul aýyldarda kóship kelýshilerge bar jaǵdaı jasalǵan, ıaǵnı jumys kúshi kerek», - deıdi SQO eńbek mobıldigi ortalyǵynyń dırektory Aman Tóregeldın.
2016 jyldan bastap oblysqa eńbek kúshi artyq óńirlerden 14 myńnan astam adam kóship kelgen. Qonys aýdarýshylardy materıaldyq jaǵynan qoldaýǵa respýblıkalyq bıýdjetten 11 mlrd teńgeden astam qarjy bólingen. Bul baǵdarlama aıasynda qonys aýdarýshylarǵa tehnıkalyq jáne kásiptik bilim alý úshin oqytýǵa jiberý, jumysqa ornalasýǵa jáne kásipkerlikti damytýǵa járdemdesý syndy kómek túrleri qarastyrylǵan. ıAǵnı, kóshýge materıaldyq kómek bir ret, otbasynyń árbir múshesine 70 AEK mólsherinde beriledi.
Sonymen qatar turǵyn úıdi jaldaý jáne kommýnaldyq qyzmetterdi tóleý boıynsha shyǵyndardy óteýge qarjylaı kómek aı saıyn, otbasy quramyna baılanysty jyl boıy 15-30 AEK mólsherinde tólenedi.