SQO avtojoldaryn qysqa daıyndaýda byltyrǵy olqylyqtar esepke alynyp jatyr

<p>PETROPAVL. KAZINFORM &ndash; &nbsp;Soltústik Qazaqstan oblysynda respýblıkalyq mańyzy bar joldardy qysqy ýaqytta kútip ustaýǵa bıyl 1,2 mlrd teńge bólindi. Bul byltyrǵydan 25%-ǵa artyq.&nbsp;</p>

SQO ákimdiginde avtojoldardy qysqa daıyndaý jaıy pysyqtaldy. «QazAvtoJol» UK» AQ SQO fılıalynyń dırektory Talǵat Smaǵulovtyń aıtýynsha, oblys arqyly respýblıkalyq mańyzy bar 1 970 km jol ótedi. Qazir sonyń 57 km «Kókshetaý Avtodor» JShS kúrdeli jóndese, 15 km «KazStroıTehnık» JShS jańalap jatyr. 

«Byltyrǵy qystaǵy aýyr jaǵdaıdy esepke alyp, bıyl respýblıkalyq mańyzy bar joldardy kútip ustaýǵa 25% artyq – 1,2 mlrd teńge qarajat bólindi. Qazirgi ýaqytta tehnıka daıyndalyp jatyr. Qar syratyn 138 tehnıka qajet bolsa, sonyń 126-sy bar, biraq 92%-y ǵana júrip tur. Bıyl 4 avtogreıder alyndy, jyl sońyna deıin taǵy ekeýi alynady jáne 22 arnaıy tehnıka boıynsha memlekettik satyp alý júrip jatyr. Sondaı-aq joldardy tazalaýǵa 8 uıymmen kelisim jasalyp jatyr», - deıdi fılıal dırektory.

SQO-da qar alatyn 121 ýchaske bar, jalpy uzyndyǵy – 190 km.

«Joldy qar almaýy úshin 3 myń dana aǵashtan jasalǵan kedergi ázirlendi. Qardan qorǵaıtyn transheıa uzyndyǵyn da 40%-ǵa arttyrdyq. Uzyndyǵy 2 600 km bolady. Sondaı-aq byltyrǵy klımattyq jaǵdaıdy eskere otyryp, eki ese muzǵa qarsy tuz-qum qospasy, reagentter ázirlendi. Budan bólek tótenshe jaǵdaılarǵa jol bermeý úshin kún raıy buzylǵanda táýlik boıy kezekshilik atqarylady», - deıdi Talǵat Smaǵulov.

Buǵan deıin SQO-da bıyl 1,4 myń km respýblıkalyq jol dıagnostıkadan ótkenin jazǵan edik.