SQO aktıvi jemqorlyqqa qarsy is-qımyl jónindegi ulttyq baıandamamen tanysty
Aımaq basshysy Qumar Aqsaqalovtyń basshylyǵymen ótken SQO ákimdiginiń kezekti otyrysynda Memleket basshysyna usynylǵan 2019 jylǵy sybaılas jemqorlyqqa qarsy is-qımyl jónindegi ulttyq baıandama qarastyryldy.
Osy másele boıynsha SQO Sybaılas jemqorlyqqa qarsy qyzmetiniń basshysy Ernar Baıanǵazın baıandama jasady.
Ernar Baıanǵazın 2019 jyl sybaılas jemqorlyqqa qarsy is-qımyl turǵysynan tabysty bolǵanyn, al jeke pozıtsııalar boıynsha serpindi dep tanylǵanyn atap ótti. Bilim uıymdarynda, memlekettik organdar men kvazımemlekettik sektor sýbektilerinde sybaılas jemqorlyq táýekelderin anyqtaý jáne joıý boıynsha maqsatty, jan-jaqty jumystar júrgizilgendigin aıtty.
Sybaılas jemqorlyqqa qarsy is-qımyl jónindegi ulttyq baıandama 6 taraýdan turady jáne sybaılas jemqorlyqqa qarsy is-qımyldyń barlyq sýbektileriniń jumys qorytyndysyn kórsetedi. Qujatta sybaılas jemqorlyqtyń aldyn alý boıynsha qabyldanǵan zańnamalyq jáne praktıkalyq sharalar, sondaı-aq sybaılas jemqorlyqqa qarsy qyzmetti odan ári jetildirý, onyń ishinde BUU-nyń Sybaılas jemqorlyqqa qarsy konventsııasynyń erejelerin, Eýropa Keńesiniń 20 basqarýshy qaǵıdattaryn jáne EYDU usynystaryn oryndaý boıynsha usynymdar berilgen.
Sybaılas jemqorlyqqa qarsy ozyq qaǵıdattar men standarttardy odan ári ımplementatsııalaý maqsatynda Memleket basshysyna 39 usynys engizildi.
«Olar sybaılas jemqorlyq faktileri týraly habarlaǵan tulǵalardy qorǵaý júıesine, «jemqorlyq» uǵymyn jeke sektorǵa taratý máselelerine, sondaı-aq memlekettik jáne kvazımemlekettik satyp alý boıynsha biryńǵaı zańdy qabyldaýǵa qatysty. Zańsyz baıytý úshin jaýapkershilikti, kirister men shyǵystar týraly deklaratsııalardy jarııalaý mindettiligin, memlekettik qyzmetshilerdiń tazalyǵyna, para berý, yqpal etý saýdasyna ýáde/usynys jasaý qylmysyn anyqtaý testileý usynylady», - dedi Baıanǵazın.
Sonymen qatar, Ernar Baıanǵazın sybaılas jemqorlyqqa qarsy is-qımyldyń aldyn alý sharalaryna nazar aýdarylǵanyn atap ótti.
«Sybaılas jemqorlyqtyń paıda bolý alǵysharttaryn joıýǵa baǵyttalǵan keshendi taldaý júrgizilýde. Oblysta ótken 2019 jyly 26 memlekettik organdardyń, olardyń vedomstvolyq baǵynysty mekemeleriniń qyzmetinde, sondaı-aq kvazımemlekettik sektorda sybaılas jemqorlyq táýekelderine 15 syrtqy taldaý júrgizildi. Sybaılas jemqorlyq táýekelderin syrtqy taldaý barysynda sybaılas jemqorlyq kórinisteriniń alǵysharttaryn joıý boıynsha 112 usynys ázirlendi», - dedi Ernar Baıanǵazın.
Sybaılas jemqorlyqqa qarsy saıasattyń basymdyǵynda memlekettik organdardyń ashyqtyǵyna erekshe mán beriledi.
Máselen, «Qyzyljar - adaldyq alańy» jobasy aıasynda 2019 jyly 9 ákimdik «Ashyq ákimdik» formatyna kóshti. Jyl sońyna deıin olardy barlyq aýdandarda ashý jáne aýyldyq deńgeılerde de ashý josparlanǵan. Petropavlda «I komek» ahýaldyq ortalyǵy ashyldy. «Halyk bank» arqyly bilim berý mekemeleri janyndaǵy qamqorshylyq keńesterge smart-bankıng qosymshasy jumys isteıdi.
Budan basqa, ınfraqurylymdyq obektilerdi salýǵa, jóndeýge jáne ustaýǵa bólingen bıýdjet qarajaty týraly egjeı-tegjeıli málimetterdi kórsetetin Ashyq bıýdjetterdiń ınteraktıvti kartasyn masshtabtaý jalǵastyryldy.
Ernar Baıanǵazın qazirgi ýaqytta óńirde 320,5 mlrd.teńgege 1873 bıýdjet jarııalanǵanyn habarlady.
Esterińizge sala keteıik, jyl saıynǵy baıandama Prezıdenttiń 2015 jylǵy 29 jeltoqsandaǵy jarlyǵyna sáıkes usynylady jáne Qazaqstannyń sybaılas jemqorlyqqa qarsy saıasatyn iske asyrý nátıjeleri týraly qoǵamdy aqparattandyrý úshin qalyptastyrylady.