SQO ákimi Petropavldaǵy káriz kollektorynyń jóndeý jumystaryn tekserdi

<p>Soltústik Qazaqstan oblysynyń ákimi Gaýez Nurmuhambetov Petropavldaǵy Jýkov kóshesindegi zaqymdalǵan kollektordyń jóndeý jumystaryn kózben kórip qaıtty, dep habarlaıdy <a href="https://www.inform.kz/" target="_blank" rel="noopener">Kazinform.</a></p>

Óńir basshysy áleýmettik jelidegi paraqshasynda jumystardy jedel jáne sapaly júrgizýdi tapsyrǵanyn jazdy. 

— Jýkov kóshesinde aqaý anyqtalǵan káriz kollektorynyń jóndeý jumystaryn tekserdim. Bul kollektordyń tozyǵy jetken, óıtkeni 67 jyl buryn iske qosylǵan.

Kollektordyń tolyq toqtap qalý qaýpin joıý úshin tótenshe jaǵdaı rejımin engizip, shuǵyl jóndeý júrgizý týraly sheshim qabyldandy. Mamandar tekserý júrgizip, jóndeý jumystaryn bastap ketti. Jumystardy ýaqtyly ári sapaly oryndaýdy tapsyrdym, — dedi oblys ákimi. 

Kollektor 7 qarashada qulady. Qalalyq ákimdik dıametri 800 mm jáne uzyndyǵy 700 metr qubyrdyń zaqymdalǵan bóligin múmkindiginshe tezirek jóndeý úshin jergilikti shtabtyń tehnogendik sıpattaǵy TJ jarııalaýǵa sheshim qabyldady.