SQO ákimi Jańa jyl merekesi qarsańynda azyq-túlik baǵasyn baqylaýdy tapsyrdy

PETROPAVL. QazAqparat – Soltústik Qazaqstan oblysynyń ákimi Qumar Aqsaqalov jekelegen emes, barlyq dúkenderde áleýmettik mańyzy bar azyq-túlik taýarlarynyń baǵasyn baqylaý kerek degen oıda, dep habarlaıdy «QazAqparat» HAA.

Bul týraly aımaq basshysy ákimdiktiń otyrysynda habarlady jáne ol Jańa jyl qarsańynda azyq-túlik baǵalaryn turaqty baqylaýda ustaý kerek ekenin atap ótti.

«Biz baǵanyń negizsiz kóterilýine jol bermeýimiz kerek. Kúndelikti tutynatyn azyq-túlikterdiń basym kópshiligin ózimiz óńdep, óndiremiz. Bizde barlyǵy bar. Aýdan ákimdikteri bergendi (azyq-túlik baǵalaryn – avt.) qaıta tekserip shyǵý kerek. Keıbir baǵalar talapqa sáıkes kelmeıdi. Sondyqtan men baryp, qarap shyǵýǵa tapsyrma berdim. Barlyǵyna baqylaý jasaý qajet. Jańa jyl qarsańynda azyq-túlik baǵalaryn baqylaýda ustaý kerek», - dep atap ótti Q. Aqsaqalov.

Kásipkerlik jáne týrızm basqarmasynyń basshysy Quralaı Jarovanyń aıtýynsha, áleýmettik mańyzy bar 19 azyq-túlik taýarynyń baǵasy respýblıkanyń ortasha esebimen alǵanda, tek tuz ben kúrishtiń ǵana baǵalary joǵary. 1-2 teńgege ózgeris bar. Qyryqqabat aımaǵymyzda qymbat. Onyń baǵasy shekti mánnen 22%-ǵa artqan. Ony bólshek saýdada kelisin 95 teńgeden satýda.

«Baǵany turaqtandyrý jalǵasýda, qyryqqabattyń bir kelisi – 85 teńge boldy. Turaqtandyrý qorynan sábizdi 80 teńgeden jáne jýany 70 teńgeden berip jatyrmyz. Qaraqumyq jarmasy, kúnbaǵys maıy, un jáne makaron ónimderin satýdy jalǵastyramyz. Óndirýshilermen jáne iri kóterme kompanııalarmen jetkizý sharttaryn jasasý arqyly usaq deldaldardy alyp tastaý boıynsha jumys júrgizilýde. Osyndaı jumystardy aýdandarda da júrgizemiz», - dedi Q. Jarova.

Oblystyń turaqtandyrý qorynda 2660 tonna 1-surypty un, 136 tonna makaron ónimderi, 14 myń lıtr kúnbaǵys maıy, 9 tonna qaraqumyq jarmasy, 57 tonna kúrish, 315 tonna qant, 435 tonna kartop, 148 tonna sábiz, 190 tonna pııaz, 108 tonna qyryqqabat bar. 52 myń lıtr kúnbaǵys maıy alyndy.

Olesıa Jýkoven