SQO ákimi jaqyn týystarynyń tabysty kásibine qatysty túsinik berdi
Ortalyq kommýnıkatsııalar qyzmeti alańynda ótken brıfıngte SQO ákimine bylaı suraq qoıyldy: «Sizdiń jaqyn týystaryńyz SQO-da agrobıznespen óte tabysty aınalysyp otyr. Oblys basshysy aǵasy bolǵanda istiń tabysty bolary anyq. Siz bul jaǵdaıdy múddeler yqpaldastyǵy dep eseptemeısiz be?»
«Birinshiden, meniń oblys ákimi bolyp taǵaıyndalǵanyma bir jyl da bolǵan joq. Al, meniń aǵam eginshilikpen 1995 jyldan bastap aınalysyp keledi. Ol – agronom ǵalym, Omby aýylsharýashylyǵy ınstıtýtyn bitirgen. Aýyl sharýashylyǵy salasyn jaqsy biledi, sondyqtan qolǵa alǵan. Bul jerde eshqandaı másele joq. Barlyǵy zań aıasynda», - dep jaýap berdi Aıdarbek Saparov.
Sondaı-aq, óńir ákimi «aǵasynyń bıznesine bólingen sýbsıdııany» Bas prokýratýranyń teksergenin aıtty.
«Sýbsıdııa alǵan» degen jalǵan aqparattar boldy, ony Bas prokýratýra tekserdi. Qoldanystaǵy zań aıasynda ol sýbsıdııa ala alady. Meniń oblys basshysy bolǵanym, kerisinshe onyń jumys isteýine qıyndyq tıgizedi. Óıtkeni, biz qazir áleýmettik salaǵa asa mán berip jatyrmyz. Onyń qanshama turǵyn úı, medıtsınalyq pýnktiler men demalys ortalyqtaryn salǵanyn óz kózińizben kórseńiz bolady. Ol basqalarǵa úlgi bolýy tıis», - deıdi SQO ákimi.