SQO ákimi shalǵaı aýyldardyń turǵyndarymen kezdesti

PETROPAVL. QazAqparat – Soltústik Qazaqstan oblysynyń ákimi Qumar Aqsaqalov Ýálıhanov jáne Aqjar aýdandarynda bolyp, turǵyndarmen kezdesti, dep habarlaıdy QazAqparat tilshisi.

SQO ákimi shalǵaı aýdandarǵa barǵan sapary jaıynda áleýmettik jelidegi paraqshalasynda jazdy.

Qumar Aqsaqalov Ýálıhanov aýdanyndaǵy Qaırat jáne Qýlykól aýyldarynda bolyp, turǵyndarǵa aýdannyń jańa ákimin – Qaırat Pishenbaevty tanystyrdy.

Byltyr Ýálıhanov aýdanynda kóktemgi sý tasqyny kezinde óńir basshysymen kezdesken turǵyndar sýmen qamtý, uıaly telefon baılanysyn ornatý jáne joldardy jónge keltirý máselelerin kótergen edi. Qumar Aqsaqalov aýdannyń jańa ákimine bul jumystardyń sapaly atqarylýyn qadaǵalaýdy tapsyrdy.

«Bıyl Ýálıhanov aýdanyndaǵy joldardy jóndeýge 1,1 mlrd teńge bólingen. Bul – ótken úsh jylda osy maqsatqa jumsalǵan qarjydan 2,5 ese artyq. Qoǵam ókilderin atqarylyp jatqan jumystardy baqylaýǵa alýǵa shaqyramyn. Joldar merziminde tóselip, jumystar sapaly atqarylýy kerek», - dep jazdy óńir basshysy.

Oblystyń shalǵaı aýyldary – Qaırat pen Qýlykólden basqa jańa jol taǵy úsh ýchaskede: Kishkenekól-Teljan, Kókterek-Tospa-Jasqaırat jáne Qaratal aýyldaryna deıin salynady. Budan basqa Kishkenekólden Qaıratqa deıingi kólik qatynasyna qajet jobalyq-smetalyq qujattardy ázirleý úshin qosymsha qarjy bólinbek. ıAǵnı jol jóndeý jumystary keler jyly da jalǵasyn tappaq.

«Qýlykól men Qaratal aýyldaryn sýmen qamtýǵa 545,5 mln teńge bólindi. Nátıjesinde myńdaǵan adamnyń jyldar boıǵy taza sý máselesi sheshimin tabady. Aýyldardaǵy ómir súrý sapasyn jaqsartý qajet, mundaǵy turǵyndarǵa jaqsy jaǵdaı jasaýymyz kerek», - dep jazdy oblys ákimi áleýmettik jelidegi paraqshasynda.