SQO ákimi koronavırýsqa qarsy ekpe aldy

PETROPAVL. QazAqparat – Soltústik Qazaqstan oblysynyń ákimi Qumar Aqsaqalov búgin koronavırýsqa qarsy vaktsınanyń birinshi komponentin qoıǵyzdy, dep habarlaıdy QazAqparat tilshisi.

SQO ákimi Qumar Aqsaqalov bul jaıynda óziniń áleýmettik jelidegi paraqshasynda habarlady.

«Kóktemde koronavırýspen aýyryp turdym. Belgili bir ýaqyt ótti, sondyqtan dárigerler vaktsına qabyldaýǵa keńes berdi. Aýyrmaý úshin men otbasymmen ekpe alýdy sheshtik. Keshe ulym ekpe aldy, erteń áıelim vaktsına qabyldaıdy. Búgin men «Sputnik V» vaktsınasynyń birinshi komponentin

aldym. Men barlyǵyn ekpe alýǵa shaqyramyn, bul qaýipti vırýspen kúresýdiń eń tıimdi ádisi. Aýyrmańyzdar!», - dep jazdy Qumar Aqsaqalov.

SQO densaýlyq saqtaý basqarmasynyń málimetinshe, óńirde 205 075 adam koronavırýsqa qarsy vaktsınanyń birinshi komponentin aldy. Al vaktsınatsııanyń tolyq kýrsynan ótkenderdiń sany – 166 287 adam.