SQO ákimi Birlik kúni merekesinde bı bıledi
Petropavldaǵy ortalyq Qazaqstan Konstıtýtsııasy kóshesinde etnomádenı birlestikterdiń sherýimen merekelik is-sharalar bastaldy. Lekti oblys ákimi Qumar Aqsaqalov basqardy.
Óńir basshysy óziniń quttyqtaýynda árbir soltústikqazaqstandyqtyń óńirdiń damýyna qosqan úlesin jáne birlik pen kelisimdi saqtaýda jáne nyǵaıtýda Qazaqstan halqy Assambleıasynyń rólin atap ótti.
«Qurmetti jerlester! Búgingi merekemen shyn júrekten quttyqtaımyn! Merekelik kóńil-kúı, myqty densaýlyq, tabys, baqyt jáne amandyq tileımin», - dedi Q.Aqsaqalov.
Ortalyq alańda ulttyq mádenıet festıvali ótti. Munda etnomádenı birlestikter ulttyq taǵamdar, kıimder, turmystyq zattar, oıyndar usyndy. Tigilgen ár kıiz úıge oblys ákimi kirip shyqty. Qonaqtardy án-kúımen qarsy aldy. Solardyń birinde Q.Aqsaqalovty qatysýshylar bıge shaqyrdy.
Petropavlda merekelik is-sharalar keshke deıin bolady. Kontserttik, oıyn-saýyq jáne sporttyq baǵdarlamalar josparlanǵan. Sondaı-aq, qolóner sheberleriniń kórmeleri ótedi.