SQO ákimi balabaqshadaǵy kezek máselesin sheshýge ýáde berdi
20:25, 28 Tamyz 2017
ASTANA. QazAqparat - Bıyl Soltústik Qazaqstan oblysynda 630 mektepke deıingi mekeme ornyn paıdalanýǵa berý josparlanǵan, dep habarlaıdy QazAqparat tilshisi.
«Bıyl bilim berý salasyndaǵy 3-6 jas aralyǵyndaǵy balalardy mektepke deıingi mekemelerde orynmen qamtamasyz etý máselesi sheshildi. Mektepke deıingi 630 jańa oryndy paıdalanýǵa berý josparlanyp otyr», - dedi SQO ákimi Qumar Aqsaqalov Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, bilim berý nysandaryna kúrdeli jóndeý jumystaryn júrgizý úshin bıyl oblystyq bıýdjetten 456,7 mln teńge bólingen.