SQO ákimi Azııa oıyndarynyń jeńimpazdaryn marapattady
Indonezııanyń Djakarta qalasynda ótken HVIII Azııa oıyndaryna Soltústik Qazaqstan oblysynan 12 sportshy attanyp, 6 medalmen oralǵan bolatyn. Onyń ekeýi -altyn, bireýi - kúmis, úsheýi - qola júlde. Soltústikqazaqstandyq jeńilatletshiler Para Azııa oıyndarynda eki qola júldege ıe boldy.
Veloshabandoz Alekseı Lýtsenko - 2 altyn medaldiń ıegeri, ol komandalyq jáne jeke jarysta jeńiske jetti. Sondaı-aq, 2018 jyldyń qorytyndysy boıynsha Alekseı Lýtsenko Azııanyń úzdik veloshabandozy atandy.
Jeńil atletshi, Azııa oıyndarynyń 4 dúrkin júldegeri Margarıta Mýkasheva Djakartadan kúmis medalmen oraldy. Balasy birge endi ǵana tolǵan Margarıta úlken sportqa oralyp, jaqsy kórsetkishke qol jetkizdi. Taǵy bir qola júlde - jeńil atletshi Mıhaıl Lıtvındiki.
Para Azııa oıyndarynyń eń eresek sportshysy, 47 jastaǵy Sergeı Harlamov uzyndyqqa sekirýden qola medaldy jeńip aldy. Qazaqstandyq sportshylardyń qorjynyna taǵy bir qol júldeni ıadro laqtyrýdan Ivan Zaleznıak saldy.
«Biz sizderdiń jeńiske ońaılyqpen jetpegenderińizdi jaqsy túsinemiz. Bul - kúndelikti orasan eńbek, jattyǵýlar, ári sizderge jeńiske jetý jolynda kóptegen nárselerden bas tartýǵa týra keledi. Sondaı-aq, jattyqtyrýshylaryńyz ben sizderge sengen otbasylaryńyzdyń da eńbegin atap óter edim. Sportty, sonyń ishinde buqaralyq sportty damytýda oblysta birqatar jumystar atqarylyp jatyr. Jaqynda tennıs ortalyǵyn ashtyq, Petropavlda ǵana emes, aýdandarda dene shynyqtyrý nysandary salynyp jatyr. Bul jumystar keler jyly da jalǵasyn tabady»,-dedi oblys ákimi Qumar Aqsaqalov sportshylermen kezdesýde.
Azııa oıyndarynda jaqsy kórsetkishke qol jetkizgen Alekseı Lýtsenko 1 mln teńgemen, Margarıta Mýkasheva 500 myń teńgemen, qola júldegerler Mıhaıl Lıtvın, Sergeı Harlamov, Ivan Zaleznıak 300 myń teńgemen jáne Qurmet gramotalarymen marapattaldy. Sportshylardyń jattyqtyrýshylary da 500-200 myń teńge kóleminde aqshalaı syıaqyǵa ıe boldy.
Avtor: Aqerke Qabykeeva