skills.enbek.kz onlaın oqytý platformasy burynǵydan da yńǵaıly boldy

NUR-SULTAN. QazAqparat - 2022 jylǵy 9 naýryzdan bastap skills.enbek.kz onlaın rejımde kásiptik oqytý platformasynda qoldanystaǵy fýnktsıonal ońtaılandyryldy jáne jańa servıster iske qosyldy, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

Memleket basshysy 2021 jylǵy 1 qyrkúıektegi «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýynda koronavırýs ınfektsııasynyń taralýynan týyndaǵan dúnıejúzilik pandemııa eńbek naryǵynyń aıtarlyqtaı ózgerýine ákelgenin atap ótti. Kóptegen jańa kásipterdiń paıda bolýy, kóptegen protsesterdi avtomattandyrý jáne tsıfrlandyrý aıasynda jeke básekege qabilettilik jańa kásipterdi birneshe ret qaıta daıarlaý jáne damytý arqyly qamtamasyz etilýi múmkin.

Qazaqstandyqtarǵa kásibı ósý jáne daǵdylardy arttyrý múmkindikterin qamtamasyz etý úshin Platformada kýrstardy izdeý jetildirildi, sabaqtardyń túsinikti qurylymy quryldy, oqytý protsesin qadaǵalaý jáne kýrs avtorlarymen jyldam ózara is-qımyl jasaý múmkindigi bar.

Platformany paıdalanýshylar endi kýrstardyń jáne bilim alýshylardyń sany, berilgen sertıfıkattar, reıtıng jáne kýrs tyńdaýshylarynyń pikirleri týraly aqparat berilgen avtordyń profılimen tanysa alady.

Kýrs avtorlary úshin yńǵaıly sabaq qurastyrýshy qol jetimdi, jarııalanǵan kýrstardyń statıstıkasy men tıimdiligin qaraý, sertıfıkattardyń ár túrli dızaıny qarastyrylǵan, sonymen qatar oqý qunyn aldyn-ala esepteýge arnalǵan onlaın-kalkýlıator bar.