«Іsik mıdyń jarty bóligin jaılaǵan»: Astanalyq dárigerler bir jarym jasar balanyń ómirin saqtap qaldy

<p>Áleýmettik medıtsınalyq saqtandrý ory (ÁMSQ) elorda fılıalynyń medıtsınalyq qyzmet jetkizýshileriniń biri - Ulttyq neırohırýrgııa ortalyǵynyń dárigerleri bir jarym jastaǵy balanyń mıyndaǵy isikti alýda kúrdeli ota jasady.</p>

«Ota kvotalyq negizde, MÁMS júıesinde jasaldy» - dep habarlaıdy Kazinform «Áleýmettik medıtsınalyq saqtandyrý qory» KEAQ astanalyq fılıalynyń baspasóz qyzmetine silteme jasap.

Balanyń anasynyń aıtýynsha, bala bir jasqa deıin ózi qatarlastarynan qalys qalmaı, tolyqqandy ósip damyǵan. Biraq arada kóp ýaqyt ótpeı aýrýdyń alǵashqy belgileri baıqala bastaıdy. Anasy ulynyń sebepsiz jylap, mazasyzdanatynyn, kóz uıashyǵy qozǵalysynyń buzylýyn, mezgil-mezgil qusatynyn, sol qoly men aıaǵynyń álsizdigin baıqaıdy.

Foto: «Áleýmettik medıtsınalyq saqtandyrý qory» KEAQ

Balanyń anasy №2 qalalyq balalar aýrýhanasyna óz betinshe qaralýǵa barady, onda balany neırohırýrgtar qarap, MRT zertteý júrgizgen. MRT nátıjeleri boıynsha balada oń jarty shardyń samaı-mańdaı-tóbe bólikterinde jáne oń jaq qarynshanyń proektsııasynda ornalasqan 7 sm úlken mı isigi tabyldy.

Jedel emdeý úshin bala Ulttyq neırohırýrgııa ortalyǵyna jiberildi. Balalar neırohırýrgııasy bólimshesiniń meńgerýshisi Ǵabıt Óleńbaıdyń aıtýynsha, isiktiń mólsheri óte úlken (6,5*6,8*7,1 sm.), bala mıynyń jartysyna jýyǵyn alyp jatyr jáne ol mıdyń fýnktsıonaldy mańyzdy aımaqtarynda ornalasqandyqtan, ota óte kúrdeli bolǵan. Sonymen qatar, aýyr asqynýlarǵa ákelýi múmkin ári operatsııalyq qan joǵaltý qaýpi joǵary edi.

«Biz mıdyń jartysharyndaǵy samaı-mańdaı-tóbe bólikterinde kólemdi túzilgen isikti mıkrohırýrgııalyq jolmen alyp tastadyq. Operatsııa kezinde barlyq zamanaýı ádister qoldanyldy. Sonymen qatar, qyzmetkerlerdiń biliktiligi men bizdiń Ortalyqtyń operatsııalyq blogynyń joǵary deńgeıde jabdyqtalýy da operatsııanyń sátti ótýine yqpal etti. Qazirgi ýaqytta bala operatsııadan keıingi emnen ótip, anasymen birge palataǵa shyǵaryldy», - dedi Ǵabıt Óleńbaı.

Foto: «Áleýmettik medıtsınalyq saqtandyrý qory» KEAQ

Anestezıolog-dárigerlerdiń joǵary kásibıligin atap ótý kerek. Mundaı kishkentaı jasta ota árdaıym anestezııa berýdegi úlken qıyndyqtarmen birge júredi. Qan, tynys alýdy muqııat baqylaý, anestezııany óte muqııat esepteý, balanyń ómiri úshin úlken jaýapkershilik — munyń bári neırohırýrgtardyń, anestezıologtardyń, transfýzıologtardyń, orta jáne kishi medıtsınalyq qyzmetkerlerdiń moınynda boldy.

Operatsııany professor, QR UǴA akademıgi Serik Aqsholaqov, joǵary bilikti sanatty neırohırýrg-dáriger, balalar neırohırýrgııasy bólimshesiniń meńgerýshisi, «UNO» AQ professory Ǵabıt Óleńbaı, sondaı-aq neırohırýrg dáriger Saparbek Seıitbekov jasady. Sondaı-aq, ota barysynda anestezıolog-reanımatolog dáriger Jumadýlla Shadıev, meıirger anestezıolog Janar Arynova, transfýzıolog dáriger Erbol Qýanyshev jáne ota meıirgeri Araılym Chamkarovalar boldy.

Ota kvotalyq negizde, MÁMS júıesinde jasaldy. Balasynyń densaýlyq jaǵdaıy jaqsarǵanyna qýanǵan baqytty ana balasymen birge úıge shyǵý úshin daıyndalýda.