«SQ-Farmatsııadaǵy» jemqorlyq táýekelderine taldaý jasala bastady
«Bıylǵy 7 shildede QR Sybaılas jemqorlyqqa qarsy is-qımyl agenttigi «SQ-Farmatsııa» JShS qyzmetindegi sybaılas jemqorlyq táýekelderine syrtqy taldaýdy bastady. Ol aǵymdaǵy jyldyń 31 shildesine deıin jalǵasady.
Taldaýdy Cybaılas jemqorlyqqa qarsy qyzmettiń, SQ-Farmatsııanyń qyzmetkerleri men qoǵamdyq uıymdardyń ókilderi júrgizedi.
Taldanatyn sala halyq úshin ózekti jáne sezimtal ekenin eskere otyryp, «SQ-Farmatsııanyń» quzyretine kiretin belgili ákimshilik kedergiler, sondaı-aq sybaılas jemqorlyqqa yqpal etetin sebepter men mán-jaılar týraly málimetterdi s.ayaganova@anticorruption.gov.kz, s.aidarbekov@sk-pharmacy.kz elektrondyq mekenjaılaryna jáne 8-707-987-98-33 whatsapp baılanys nómirine jiberýdi suraımyz», - delingen Sybaılas jemqorlyqqa qarsy is-qımyl agenttiginiń Telegram-kanalynda.
Vedomstvodan málim etkendeı, kelip túsken aqparattar jemqorlyq táýekelderin anyqtaý jáne olardy joıý boıynsha usynymdar ázirleý kezinde paıdalanylatyn bolady.
EGER SІZGE SYBAILAS JEMQORLYQ TÝRALY BELGІLІ BOLSA, SІZ 1424 CALL-ORTALYǴYNA 24/7 REJIMІNDE HABARLASA ALASYZ.