«SK-Farmatsııa» medıtsınalyq saqtandyrý qorynyń qaramaǵyna kóshedi
«Aldaǵy josparǵa sáıkes, mindetti áleýmettik medıtsınalyq saqtandyrý qory «SK-Farmatsııanyń» quryltaıshysy bolady. Budan bólek, «Qazmedteh» kompanııasynda jekeshelendirý josparlanyp otyr», - dedi QR Densaýlyq saqtaý vıtse-mınıstri Lıazzat Aqtaeva búgin Úkimette ótken baspasóz máslıhatynda.
Aıta keteıik, «SK-Farmatsııa» kompanııasy 2009 jyly qurylǵan. Bas kezinde ol «Samuryq-Qazyna» qorynyń quramynda boldy. Al 2013 jyly QR Densaýlyq saqtaý mınıstrliginiń qaramaǵyna kóshti. Atalǵan kompanııa tegin medıtsınalyq kómek aıasynda dári-dármekterdi satyp alý jumysymen aınalysady.
«SK-Farmatsııada» sybaılas jemqorlyq áreketteri de anyqtalǵan bolatyn. Aǵymdaǵy jyly aqpan aıynda ótken Úkimettiń keńeıtilgen otyrysynda QR Prezıdenti Nursultan Nazarbaev kompanııa jumysyn synǵa alyp, ol jerde istegen qyzmetkerlerdi «mafııa» dep atady. Kelesi kúni «SK-Farmatsııa» JShS basqarma tóraǵasy Nurjan Álimbaev jumystan shyǵardy. Al kompanııanyń ózine monopolııaǵa qarsy zańnamany buzǵany úshin 1,3 mlrd teńge kóleminde aıyppul salyndy.